ହରିୟାଣାର ପୂବର୍ତନ ମୂଖ୍ୟମନ୍ତ୍ରୀ ଓମ୍ ପ୍ରକାଶଙ୍କ ପରଲୋକ
ହରିୟାଣା: ହରିୟାଣାର ପୂବର୍ତନ ମୂଖ୍ୟମନ୍ତ୍ରୀ ତଥା ଭାରତୀୟ ଜାତୀୟ ଲୋକ ଦଳର ମୁଖ୍ୟ ଓମ ପ୍ରକାଶ ଚୌତାଲାଙ୍କର ଆଜି ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା। ଆଜି ତାଙ୍କ ଗୁରୁଗାଓଁସ୍ଥିତ ବାସଭବନରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। 1 ଜାନୁୟାରୀ ୧୯୩୫ ରେ ତାଙ୍କର ଜନ୍ମ ହୋଇଥିଲା । ଜଣେ ପ୍ରଭାବଶାଳୀ ଭାରତୀୟ ରାଜନେତା ତଥା ଭାରତୀୟ ଜତୀୟ ଲୋକ ଦଳ ର ଜଣେ ପ୍ରମୁଖ ନେତା ଥିଲେ । ସେ ଭାରତର ୬ଷ୍ଠ ତମ ଉପମୂଖ୍ୟମନ୍ତ୍ରୀ ଚୌଧୁରୀ ଦେବୀ ଲାଲଙ୍କ ପୁଅ ଥିଲେ ।
୨ ଡିସେମ୍ବର ୧୯୮୯ରେ ପ୍ରଥମଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ ଏବଂ ୧୭୧ ଦିନ ଏହି ପଦବୀରେ ରହିଥିଲେ। ଏହା ପରେ ସେ ୧୨ ଜୁଲାଇ ୧୯୯୦ରେ ମୁଖ୍ୟମନ୍ତ୍ରୀ ହୋଇ ପଦବୀରେ ମାତ୍ର ୫ ଦିନ ରହିଥିଲେ। ଓମ୍ପ୍ରକାଶ ପୁଣି ୨୪ ଜୁଲାଇ ୧୯୯୯ରେ ମୁଖ୍ୟମନ୍ତ୍ରୀ ଚେୟାରରେ ବସି ୨ ମାର୍ଚ୍ଚ ୨୦୦୦ ପର୍ଯ୍ୟନ୍ତ ରହିଥିଲେ। ତା’ପରେ ସେ ତାଙ୍କର କାର୍ଯ୍ୟକାଳ ପାଞ୍ଚ ବର୍ଷ ପୂରଣ କଲେ। ଅର୍ଥାତ୍ ସେ ୨୦୦୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ରହିଥିଲେ। ଓମ୍ ପ୍ରକାଶଙ୍କ ପିତା ଚୌଧୁରୀ ଦେବୀ ଲାଲ୍ ଦୁଇଥର ହରିୟାଣାର ମୁଖ୍ୟମନ୍ତ୍ରୀ ହୋଇଥିଲେ।
