ମେଲବର୍ଣ୍ଣ ଏୟାରପୋର୍ଟରେ ମହିଳା ସାମ୍ବାଦିକାଙ୍କ ସହ ବିରାଟଙ୍କ ଯୁକ୍ତି, ଜାଣନ୍ତୁ କଣ ରହିଛି ଏହା ପଛର କାରଣ

ନନ୍ଦିଘୋଷ ବ୍ୟୁରୋ: ଗାବା ଟେଷ୍ଟ ଡ୍ର ହେବା ପରେ ଏବେ ଭାରତୀୟ ଦଳ ମେଲବର୍ଣ୍ଣରେ ପହଞ୍ଚିଛି । ଚତୁର୍ଥ ଟେଷ୍ଟରେ ବିଜୟ ଲକ୍ଷ୍ୟରେ ରହିଛି ଭାରତ । ତେବେ ମ୍ୟାଚ ପୂର୍ବରୁ ଏୟାରପୋର୍ଟର ଏକ ଫଟୋ ଭାଇରାଲ ହେବାରେ ଲାଗିଛି । ଯେଉଁଥିରେ ବିରାଟ ଜଣେ ମହିଳା ସାମ୍ବାଦିକାଙ୍କ ସହ ଯୁକ୍ତିତର୍କ କରୁଥିବା ଦେଖୁବାକୁ ମିଳୁଛି । ତେବେ ଏହି ସାମ୍ବାଦିକ ଜଣକ ବିରାଟଙ୍କ ଛୁଆଙ୍କ ଫଟୋ ଏବଂ ଭିଡିଓ ଉଠାକୁ ନେଇ ବିରକ୍ତ ହୋଇଥିଲେ କୋହଲି । ସେ କହିଛନ୍ତି କି, ମୋର ପ୍ରାଇଭେସି ରହିଛି । ମୋ ବିନା ଅନୁମତିରେ ପିଲାଙ୍କ ଫଟୋ କାହିଁକି ଉଠାଇଲ । ସେପଟେ ଏହାକୁ ନେଇ ଏବେ ଅଷ୍ଟ୍ରେଲିୟ ଗଣମାଧ୍ୟମରେ ବିରାଟଙ୍କୁ ସମାଲୋଚନା କରାଯାଉଛି । ତେବେ ଏଭଳି ଘଟଣା କିଛି ନୂଆ ନୁହେଁ । କାରଣ ଅଷ୍ଟ୍ରେଲିଆ ଗସ୍ତରେ ଯେବେ ବିରାଟ ଯାଇଛନ୍ତି ଗଣମାଧ୍ୟମର ଏଭଳି କିଛି ବ୍ୟବହାର ପାଇଁ ବିରକ୍ତି ଭାବେ ପ୍ରକାଶ କରିଥାନ୍ତି ବିରାଟ ।