ଟିମ ଇଣ୍ଡିଆରେ ଅସମ୍ମାନ ପାଇଁ ଅବସର ନେଲେ କି ଅଶ୍ବିନୀ ? କାହିଁକି ଏମିତି କହିଲେ ତାଙ୍କ ବାପା

ନନ୍ଦିଘୋଷ ବ୍ୟୁରୋ: ନମ୍ବର ଓ୍ବାନ ଅଲରାଉଣ୍ଡ ରବିଚନ୍ଦ୍ରନ ଅଶ୍ବିନୀ ହଠାତ ଅବସର ଘୋଷଣା କରିଥିବା ଘଟଣାକୁ ନେଇ ସବୁଠି ଚର୍ଚ୍ଚା । ବର୍ଡର ଗାଭାସ୍କର ଟ୍ରଫିର ୨ଟି ମ୍ୟାଚ ବାକି ଥିବାବେଳେ କାହିଁକି ହଠାତ ଏଭଳି ନିଷ୍ପତ୍ତି ନେଲେ ଅଶ୍ବିନୀ । ଏହାକୁ ନେଇ ଚର୍ଚ୍ଚା ଆଳୋଚନା ଚାଲିଥିବାବେଳେ ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ଅଶ୍ବିନୀଙ୍କ ପିତା । ସେ କହିଛନ୍ତି ଅସମ୍ମାନ ପାଇଁ ଏଭଳି ନିଷ୍ପତ୍ତି ନେଇ ପାରିଥାନ୍ତି ଅଶ୍ବିନୀ । ଅବସର ଘୋଷଣା କରିବା ତାର ବ୍ୟକ୍ତିଗତ ନିଷ୍ପତ୍ତି । ଦୀର୍ଘଦିନ ହେବ ସେ ଦଳରେ ଅସମ୍ମାନିତ ହେଉଥିବା ମନେ ହେଉଥିଲା । ୧୪- ୧୫ କ୍ୟାରିୟରରେ ଅଲରାଉଣ୍ଡ ଭାବେ ସୁବେବେଳେ ଏକ ନମ୍ବର ରହି ଆସୁଥିଲେ । ମାତ୍ର ତାଙ୍କ ଅବସର କଷ୍ଟ ଦେଉଛି । ମୁଁ ଚାହୁଁଥିଲି ସେ ଆଉ କିଛି ଦିନ ଖେଳ ଜାରି ରଖିଥାଉ । ଦମଦାର ପ୍ରଦର୍ଶନ କରୁଥିବା ଅଶ୍ବିନୀଙ୍କୁ କିନ୍ତୁ ବେଞ୍ଚରେ ବାରମ୍ବାର ବସାଇବା ତାଙ୍କ ଲାଗି ଅପମାନ ଭଳି । ଟେଷ୍ଟ ଚାମ୍ପିୟନସିପରେ ମଧ୍ୟ ଏଭଳି ଭାବେ ଅପମାନ କରାଯାଇଥିଲା । ପ୍ଲେଇଙ୍ଗ ୧୧ରେ ସ୍ଥାନ ନମିଳିବା ବହୁତ ଦୁଃଖଦାୟକ । ଦୀର୍ଘଦିନ ଧରି ଏଭଳି ଅପମାନ କରାଯାଉଛି । ଯେଉଁ କାରଣରୁ ସେ ଏଭଳି ନିଷ୍ପତ୍ତି ନେଇଥାଇପାରେ ବୋଲି କହିଛନ୍ତି ଅଶ୍ବିନୀଙ୍କ ବାପା ।