ମାର୍କେଟରେ ପୁଷ୍ପା ଭାଇର ରାଜ୍ ,୧୨ ଦିନରେ ୧୪ଶହ କୋଟି ଆୟ

ନନ୍ଦିଘୋଷ ବ୍ୟୁରୋ: ଅଲ୍ଲୁ ଅର୍ଜୁନଙ୍କ ଫିଲ୍ମ ରିଲିଜ ହେବାର ୧୨ ଦିନ ବିତିଗଲାଣି । କିନ୍ତୁ ‘ପୁଷ୍ପା ଭାଇ’କୁ ନେଇ ପ୍ରଥମ ଦିନରେ ଯେଉଁ ଚର୍ଚ୍ଚା ହୋଇଥିଲା ତାହା ଏବେବି ରହିଛି। ପୁଷ୍ପା ଓ ତା’ ମଣ୍ଡଳି ଏପରି ଝଡ଼ ସୃଷ୍ଟି କରିଛନ୍ତି ଯେ ସେହି ଝଡ଼ ମାଡ଼ରେ ଗୋଟିଏ ପରେ ଗୋଟିଏ ଦୁର୍ଗ ଭୁଷୁଡ଼ିବାରେ ଲାଗିଛି । । ଏବେ ଅଲ୍ଲୁ ଅର୍ଜୁନଙ୍କ ଆଗରେ ଏବେ ଦୁଇଟି ବଡ଼ ସିନେମା ରହିଛି, ଯାହାର ରେକର୍ଡ୍ ତାଙ୍କୁ ଭାଙ୍ଗିବାକୁ ପଡ଼ିବ। ପ୍ରଥମଟି- ପ୍ରଭାସଙ୍କ ‘ବାହୁବଳୀ-୨’ ଏବଂ ଦ୍ୱିତୀୟ- ଆମୀର ଖାନଙ୍କ ‘ଦଙ୍ଗଲ’। ଅଲ୍ଲୁ ଅର୍ଜୁନ ଦ୍ୱିତୀୟ ସୋମବାର ପରୀକ୍ଷାରେ ମଧ୍ୟ ଉତ୍ତୀର୍ଣ୍ଣ ହୋଇଛନ୍ତି । ଏହି ଦୁଇଟି ରେକର୍ଡ ଭାଙ୍ଗିବା ପାଇଁ ଫିଲ୍ମକୁ କେତେ ଆୟ କରିବାକୁ ପଡ଼ିବ ତାହା ଜାଣିବା ପୂର୍ବରୁ , ପ୍ରଥମେ ଜାଣନ୍ତୁ ଦ୍ୱାଦଶ ଦିନର କଲେକ୍ସନ ।

ଦ୍ୱାଦଶ ଦିନରେ ‘ପୁଷ୍ପା-୨’ କେତେ ରୋଜଗାର କରିଥିଲା ?

ସେକନିଲ୍କ ରିପୋର୍ଟ ଅନୁଯାୟୀ, ‘ପୁଷ୍ପା-୨’ ଦ୍ୱାଦଶ ଦିନରେ ଭାରତରୁ ମୋଟ ୨୭.୭୫ କୋଟି ଟଙ୍କାର ବ୍ୟବସାୟ କରିଛି। ସେଥିମଧ୍ୟରୁ ହିନ୍ଦୀରେ ୨୧ କୋଟି, ତେଲୁଗୁରେ ୫.୪୫ କୋଟି ଏବଂ ତାମିଲରେ ୧ କୋଟି ଆଦାୟ ହୋଇଛି। କନ୍ନଡ ଓ ମାଲାୟାଲମରେ ୦.୧୫ କୋଟି ଟଙ୍କା ଓ ମାଲାୟାଲମରେ ୦.୧୫ କୋଟି ଟଙ୍କା ଆୟ ହୋଇଛି। ଏହା ହେଉଛି ଭାରତରେ ପୁଷ୍ପାର ଶୁଦ୍ଧ କାରବାର । ଏହାକୁ ମିଶାଇ ‘ପୁଷ୍ପା-୨’ ୧୨ ଦିନରେ ଭାରତରୁ ମୋଟ ୯୨୯.୮୫ କୋଟି ଆୟ କରିଛି। ଏହା ସହ ଫିଲ୍ମ ମଧ୍ୟ ୧୦୦୦ କୋଟି ଛୁଇଁବାକୁ ଯାଉଛି ।

ଭାରତରେ କେଉଁ ଭାଷାରୁ କେତେ ଆୟ ?

ହିନ୍ଦି-୫୭୩.୧ କୋଟି
ତେଲୁଗୁ-୨୮୭.୦୫କୋଟି
ତାମିଲ-୪୯.୪ କୋଟି
କନ୍ନଡ଼-୬.୭ କୋଟି
ମାଲାୟଲମ-୧୩.୬ କୋଟି
ମୋଟ-୯୨୯.୮୫ କୋଟି

‘ପୁଷ୍ପା-୨’ର ପରବର୍ତ୍ତୀ ଟାର୍ଗେଟ କିଏ?

ଅଲ୍ଲୁ ଅର୍ଜୁନଙ୍କ ‘ପୁଷ୍ପା-୨’ ୧୨ ଦିନରେ ‘ଜବାନ’ ଓ ‘କେଜିଏଫ-୨’ ଭଳି ବଡ଼ ବଡ଼ ଫିଲ୍ମର ରେକର୍ଡ ଭାଙ୍ଗିଛି। ଏବେ ସେହି ଦୁଇଟି ସିନେମାର ପାଳି ଆସିଛି, ଯାହା ଉପରେ ‘ପୁଷ୍ପା-୨’ର ନଜର ରହିଛି। ତେଣୁ ଫିଲ୍ମଟି ଏହି ସଫଳତାକୁ ଅତି ସହଜରେ ଅତିକ୍ରମ କରିବ ବୋଲି ନିର୍ମାତା ଆଶା ରଖିଛନ୍ତି। ଭାରତୀୟ ସିନେମାର ସର୍ବାଧିକ ରୋଜଗାର କରୁଥିବା ଫିଲ୍ମ ହେବାକୁ ହେଲେ ‘ପୁଷ୍ପା-୨’କୁ ୨୦୭୦ କୋଟିରୁ ଅଧିକ ଟଙ୍କା ରୋଜଗାର କରିବାକୁ ପଡ଼ିବ। ବାସ୍ତବରେ ଏହା ହେଉଛି ଆମୀର ଖାନଙ୍କ ‘ଦଙ୍ଗଲ’ର ସର୍ବକାଳୀନ ସଂଗ୍ରହ। କିନ୍ତୁ ଏହା ପୂର୍ବରୁ ‘ବାହୁବଳୀ-୨’କୁ ପଛରେ ପକାଇବାକୁ ପଡ଼ିବ। ଚଳଚ୍ଚିତ୍ରଟି ମୋଟ ୧୭୮୮.୦୬ କୋଟି ଆୟ କରିଥିଲା । ‘ପୁଷ୍ପା-୨’ ବିଶ୍ୱବ୍ୟାପୀ ୧୪୦୯ କୋଟି ଟଙ୍କା ଆୟ କରିଛି। ଏବେ ଏହାର ପରବର୍ତ୍ତୀ ଟାର୍ଗେଟ ହେଉଛି ‘ଦଙ୍ଗଲ’ ଓ ‘ବାହୁବଳୀ-୨’।