ଅଭିଷେକଙ୍କ ପୂର୍ବରୁ ଏହି କ୍ରିକେଟରଙ୍କ ସହ ଯୋଡାଯାଇଥିଲା ନିମ୍ରତ କୌରଙ୍କ ନାଁ

ନନ୍ଦିଘୋଷ ବ୍ୟୁରୋ: ବହୁଦିନ ଧରି ଅଭିଷେକ ବଚ୍ଚନଙ୍କ ସହିତ ନିମ୍ରତ କୌରଙ୍କ ଡେଟିଂ ଖବର ଚର୍ଚ୍ଚାରେ ରହିଆସିଛି । ଐଶ୍ୱର୍ଯ୍ୟା ରାୟଙ୍କ ସହ ଛାଡପତ୍ର ଖବର ପାଇଁ ଅଭିଷେକ ବଚ୍ଚନ ଦୀର୍ଘଦିନ ଧରି ଲାଇମ୍‌ ଲାଇଟ୍‌ରେ ରହିଥିବା ବେଳେ ଏହି ଖବର ସେମାନଙ୍କ ଫ୍ୟାନ୍ସକୁ ଦ୍ବନ୍ଦରେ ପକାଇଦେଇଥିଲା । ତେବେ ସମ୍ପର୍କର ମତଭେଦ ସମ୍ପର୍କରେ କୌଣସି ଅଫିସିଆଲ କନଫର୍ମ କରାଯାଇ ନାହିଁ। ନିମ୍ରତ କୌରଙ୍କ ସହ ତାଙ୍କର ଘନିଷ୍ଠତା ସେମାନଙ୍କ ସମ୍ପର୍କରେ ମତଭେଦ ହେବାର ଅନ୍ୟତମ କାରଣ ବୋଲି କୁହାଯାଉଛି । ତେବେ ଏସବୁ ମଧ୍ୟରେ ନିମ୍ରତଙ୍କ ପ୍ରେମସମ୍ପର୍କକୁ ନେଇ ଅନେକ ଚର୍ଚ୍ଚା ହୋଇଥିଲା ।

ନିମ୍ରତ କୌରଙ୍କ କହିବାନୁସାରେ, ସେ ବର୍ତ୍ତମାନ କାହା ସହିତ ଡେଟ କରୁନାହାଁନ୍ତି  । କିନ୍ତୁ ଏକ ସମୟ ଥିଲା ଯେତେବେଳେ ସେ ବାହୁବଲୀ ଅଭିନେତାଙ୍କୁ ଡେଟିଂ କରୁଥିବା କଥା ଚର୍ଚ୍ଚା ହୋଇଥିଲା । ପୂର୍ବରୁ ମଧ୍ୟ ଜଣେ ନାମୀଦାମୀ କ୍ରିକେଟରଙ୍କ ସହିତ ମଧ୍ୟ ତାଙ୍କ ଲିଙ୍କ ଅପ୍ ଖବର ସାମ୍ନାକୁ ଆସିଥିଲା ।ଏହା ପ୍ରଥମ ଘଟଣା ନୁହେଁ ଯେ ଜଣେ କ୍ରିକେଟରଙ୍କ ସହ ଅଭିନେତ୍ରୀଙ୍କୁ ଯୋଡିବା । କିନ୍ତୁ ଆପଣ ଜାଣିକି ଆଶ୍ଚର୍ଯ୍ୟ ହେବେ କି ନିମ୍ରତ କୌରଙ୍କ ନାମ ରବି ଶାସ୍ତ୍ରୀଙ୍କ ସହ ମଧ୍ୟ ଯୋଡା ଯାଇଥିଲା । ୨୦୧୮ରେ ଦୁହେଁ ସିକ୍ରେଟ ଭାବରେ ଡେଟିଂ କରୁଥିବା ଖବର ଆସିଥିଲା ​​ । କୁହାଯାଇଥିଲା ଯେ ଏହି ସମ୍ପର୍କ କେବଳ ୨ ବର୍ଷ ପର୍ଯ୍ୟନ୍ତ ଚାଲିଥିଲା । ଯେତେବେଳେ ଏହି ଖବର ପ୍ରସଙ୍ଗ ପାଲଟିବାକୁ ଲାଗିଲା ସେତେବେଳେ ରବି ଶାସ୍ତ୍ରୀ ଏହି ପ୍ରସଙ୍ଗରେ ପ୍ରତିକ୍ରିୟା ପ୍ରକାଶ କରିଥିଲେ। ଏହି ଗୁଜବକୁ ନେଇ ପୂର୍ବତନ କ୍ରିକେଟର କ୍ରୋଧିତ ହୋଇଥିଲେ । ସେ କହିଥିଲେ, ‘କିଛି କହିବାର ଆବଶ୍ୟକତା ନାହିଁ’  । ଏହି ପ୍ରସଙ୍ଗରେ ନିମ୍ରତ କୌର ମଧ୍ୟ ପ୍ରତିକ୍ରିୟା ରଖିଥିଲେ । ସେ X ରେ ଲେଖିଥିଲେ ମୋତେ ରୁଟ କେନାଲର ଆବଶ୍ୟକ ନାହିଁ । ଆଜି ମୁଁ ନିଜ ବିଷୟରେ ଯାହା ପଢୁଛି ତାହା ମୋ ସ୍କୁଲ ପ୍ରେମ ବିଷୟରେ । ଯାହା ମୁଁ ସମସ୍ତଙ୍କୁ ଆଗରୁ କହିସାରିଛି ।

ନିମ୍ରତ କୌରଙ୍କ ନାମ ‘ବାହୁବଲୀ’ ଅଭିନେତା ରାଣା ଡାଗଗୁବାଟି ସହିତ ମଧ୍ୟ ଯୋଡା ଯାଇଥିଲା  । ଚର୍ଚ୍ଚା ହେଉଥିଲା ଯେ ଦୁହେଁ ପରସ୍ପରକୁ ଡେଟ କରୁଥିଲେ। ତେବେ ନିମ୍ରତ କୌରଙ୍କ କିମ୍ବା ରାଣା ଡାଗଗୁବତୀ ଏହି ସମ୍ପର୍କ ବିଷୟରେ କେବେ କିଛି ପ୍ରତିକ୍ରିୟା ଦେଇନାହାଁନ୍ତି ।