ସଂସଦ ଅଧିବେଶନକୁ ପୁଣି ବିରୋଧୀଙ୍କ ବୟକଟ
ନୂଆଦିଲ୍ଲୀ: ସଂସଦ ଅଧିବେଶନକୁ ପୁଣି ବୟକଟ୍। ଏନଡିଏ ସରକାରର ମନମାନି ବିରୋଧରେ ସଂସଦ ଭବନ ବାହାରେ ବିକ୍ଷୋଭ କରିଛନ୍ତି ବିରୋଧୀ ଦଳ ସାଂସଦ। କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧିଙ୍କ ସମେତ ଇଣ୍ଡିଆ ମେଣ୍ଟର ସାଂସଦମାନେ ସଂସଦ ଭବନ ବାହାରେ ପ୍ଲାକାର୍ଡ ଧରି ପ୍ରତିବାଦ କରିଛନ୍ତି। ଦେଶକୁ ବିକିବାକୁ ଦିଆଯିବ ନାହିଁ ପ୍ଲାକାର୍ଡରେ ଦର୍ଶାଇଛନ୍ତି ସାଂସଦ।
ସଂସଦ ଅଧିବେଶନ ଆରମ୍ଭ ଦିନଠାରୁ ଆଦାନୀ, ଜର୍ଜ ସୋରସ, ଚାଷୀଙ୍କୁ ଏମଏସପି, ସମ୍ଭଲ ହିଂସା ଓ ଅନ୍ୟାନ୍ୟ ପ୍ରସଙ୍ଗ ନେଇ ଚାଲିପାରୁନାହିଁ ଗୃହକାର୍ଯ୍ୟ। ବିରୋଧୀଙ୍କ ସ୍ବର ଚାପିଦେବା ଲାଗି ସରକାର ଉଦ୍ୟମ କରୁଛନ୍ତି ବୋଲି କରାଯାଇଛି ଅଭିଯୋଗ। ସେପଟେ ଇଣ୍ଡିମେଣ୍ଟର ସାଂସଦଙ୍କୁ ବି ଟକ୍କର ଦେଇଛନ୍ତି ଏନଡିଏ ସାଂସଦ। ସେମାନେ ବି ପୋଷ୍ଟର ଧରି କରିଛନ୍ତି ପ୍ରତିବାଦ ।
