ନନ୍ଦିଘୋଷ ବ୍ୟୁରୋ : ଆଡିଲେଡରେ ୧୮୦ ରନରେ ଅଟକିଲା ଭାରତୀୟ ଦଳ। ବର୍ଡର ଗାଭାସ୍କର ଟ୍ରଫିର ଆଡିଲେଡରେ ଚାଲିଥିବା ଦ୍ଵିତୀୟ ଟେଷ୍ଟରେ ଭାରତର ବ୍ଯାଟିଂ ବିପର୍ଯ୍ୟୟ। ଟସ ଜିତି ପ୍ରଥମେ ବ୍ଯାଟିଂ କରିଥିବା ଭାରତ ୧୮୦ ରନରେ ଅଲଆଉଟ ହୋଇଛି। ଦଳ ପାଇଁ ସର୍ବାଧିକ ରନ ହାସଲ କରିଛନ୍ତି ନୀତୀଶ କୁମାର ରେଡ୍ଡି। ସେ ସର୍ବାଧିକ ୪୨ ରନ କରିଛନ୍ତି। ବ୍ୟାଟ୍ସମ୍ୟାନ କେଏଲ ରାହୁଲ ଦ୍ଵିତୀୟ ସର୍ବାଧିକ ୩୭ରନ କରିଛନ୍ତି। କଂଗାରୁ ଟିମ ଆଗରେ ଧରାଶାୟୀ ହୋଇଛନ୍ତି ଭାରତୀୟ ବ୍ୟାଟ୍ସମ୍ୟାନ। ଅଷ୍ଟ୍ରେଲିଆର ବାମହାତୀ ବୋଲର ମିଚେଲ ଷ୍ଟାର୍କଙ୍କ ଘାତକ ବୋଲିଂର ସାମନା କରିପାରିନଥିଲେ ଭାରତୀୟ ଖେଳାଳି। ମିଚେଲ ଷ୍କାର୍କଙ୍କୁ ସର୍ବାଧିକ ୬ ୱିକେଟ ମିଳିଛି। ପର୍ଥରେ ଶତକ ହାସଲ କରିଥିବା ବିରାଟ କୋହଲି ୭ ରନ କରିଥିଲେ। ଓପନର ଯଶସ୍ୱୀ ଜୈସୱାଲ ଡକଆଉଟ ହୋଇ ପ୍ଯାଭିଲିୟନ ଫେରିଥିଲେ। ଅଧିନାୟକ ରୋହିତ ଶର୍ମା ମାତ୍ର ୩ ରନରେ ଆଉଟ ହୋଇଥିଲେ। ଶୁବମନ ଗିଲ ୩୧ ରନ କରିଥିଲେ। ରିଷଭ ପନ୍ତ ୨୧ ରନ କରି ପ୍ଯାଭିଲିୟନ ଫେରିଥିଲେ। ଅଶ୍ଵୀନ ୨୨ ରନ କରିଥିଲେ। ୫ ୱିକେଟ ହରାଇ ୧୦୦ ରନ କରିଥିବା ଭାରତୀୟ ଦଳ ୧୮୦ ରନରେ ସମସ୍ତ ୱିକେଟ ହରାଇଥିଲା। ମିଚେଲ ଷ୍କାର୍କ ଯଶଶ୍ଵୀ ଜୟସ୍ଵାଲ, କେଏଲ ରାହୁଲ, ବିରାଟ କୋହଲି, ନୀତୀଶ ରେଡ୍ଡି, ରବିଚନ୍ଦ୍ରନ ଅଶ୍ୱୀନ ଓ ହର୍ଷିତ ରାଣାଙ୍କୁ ଆଉଟ କରିଥିଲେ।ସିରିଜରେ ପ୍ରଥମ ମ୍ୟାଚ ଖେଳୁଥିବା ସ୍କଟ ବୋଲାଣ୍ଡ ଓ ଅଧିନାୟକ ପାଟ କମିନ୍ସ ମଧ୍ୟ ୨ଟି ଲେଖାଏ ୱିକେଟ ନେଇଥିଲେ । ଏବେ ପ୍ରଥମ ଇନିଂସ ବ୍ୟାଟିଂ କରୁଛି ଅଷ୍ଟ୍ରେଲିଆ ଟିମ୍
