ଏହିସବୁ ଅଭିଜ୍ଞ ଖେଳାଳିଙ୍କୁ କିଣିବାକୁ ମନ ବଳାଇଲେନି ଫ୍ରାଞ୍ଚାଇଜ୍

ନନ୍ଦିଘୋଷ ବ୍ୟୁରୋ: ଚାଲିଛି ଆଇପିଏଲ ନିଲାମୀ । ଖେଳାଳିଙ୍କ ଉପରେ ହେଉଛି ଟଙ୍କା ବର୍ଷା । କିନ୍ତୁ ଏମିତି କିଛି ଅଭିଜ୍ଞ ଖେଳାଳି ରହିଛନ୍ତି ଯେଉଁମାନଙ୍କୁ କିଣିବାକୁ କୌଣସି ଫ୍ରାଞ୍ଚାଇଜ୍ ମନ ବଳାଇନାହାନ୍ତି । ବହୁ ଅଭିଜ୍ଞ ଖେଳାଳି ଏଥରକ ଅଲୋଡ଼ା ହୋଇଛନ୍ତି । ଯେଉଁମାନେ ପୂର୍ବରୁ ଆଇପିଏଲରେ ଅନେକ ରେକର୍ଡ କରିଥିଲେ ସୁଦ୍ଧା ଏଥରକ ଅଲୋଡ଼ା ହୋଇଛନ୍ତି । ତେବେ ଆସନ୍ତୁ ଏହି ଖେଳାଳିଙ୍କ ସମ୍ପର୍କରେ ଜାଣିବା । ରବିବାର କିଛି ଖେଳାଳି ଅନସୋଲ୍ଡ ରହିଥିବାବେଳେ ସୋମବାର ବହୁ ଆଗ ଧାଡ଼ିର ଆନ୍ତର୍ଜାତୀୟ କ୍ରିକେଟର ଅଭିଜ୍ଞତା ରଖିଥିବା ଖେଳାଳି ମଧ୍ୟ ଅଲୋଡ଼ା ହୋଇଛନ୍ତି । ଏହି ତାଲିକାରେ ରହିଛନ୍ତି ଆଜିଙ୍କ୍ୟା ରାହାଣେ , ମୟଙ୍କ ଅଗ୍ରଓ୍ବାଲ, ପୃଥୀ ଶ, ସାର୍ଦ୍ଧୁଲ ଠାକୁର, କେନ୍ ଓ୍ବିଲିୟମସନ, ଡାରେଲ ମିଚେଲ, ଗ୍ଲେନ୍ ଫିଲିପ୍ସ, ଉମେଶ ଯାଦବ, ନବୀନ ଉଲହକ, ମୁସ୍ତାଫିଜର ରହିମ, ଉମରାନ ମଲ୍ଲିକ, ମୋଇନ୍ ଅଲ୍ଲୀ, ବେନ୍ ଡକେଟ୍, ସାଇ ହୋପ, କେ.ଏସ ଭରତ ପ୍ରମୁଖ ।