ନୟନତାରାଙ୍କ ବାୟୋଗ୍ରାଫି : ଏହି କାରଣରୁ ଧନୁଷଙ୍କ ସହ ବିବାଦ, ଆସିଲା ନୋଟିସ୍

ନନ୍ଦିଘୋଷ ବ୍ୟୁରୋ: ଦୁଇ ଜଣାଶୁଣା ଦକ୍ଷିଣୀ କଳାକାରଙ୍କ ମଧ୍ୟରେ ବିବାଦ ଦେଖିବାକୁ ମିଳିଛି । ଲେଡି ସୁପରଷ୍ଟାର ନୟନତାରା ଏବଂ ଧନୁଷଙ୍କ ମଧ୍ୟରେ ଦେଖିବାକୁ ମିଳିଛି ବିବାଦ । ଯାହାକି ନୟନତାରାଙ୍କ ସୋସିଆଲ ମିଡିଆ ପୋଷ୍ଟକୁ ଦେଖିବା ପରେ ବେଶ ଭଲଭାବେ ବାରି ହୋଇ ଯାଉଛି । ଆଗାମୀ ଦିନରେ ନୟନତାରାଙ୍କ ଏକ ବାୟୋଗ୍ରାଫି ଉପରେ ଆଧାରିତ ନେଟଫ୍ଲିକ୍ସରେ ରିଲିଜ ହେବାକୁ ଯାଉଛି । ଏହାର ଟ୍ରିଜର ରିଲିଜ ହୋଇଥିବାବେଳେ ଏହାକୁ ଦର୍ଶକେ ବେଶ ପସନ୍ଦ କରିଛନ୍ତି । ତେବେ ଏଥିରେ ଧନୁଷଙ୍କ ଦ୍ବାରା ପ୍ରଯୋଜିତ ଏକ ଫିଲ୍ମର ଏକ ମ୍ୟୁଜିକ୍ ବ୍ୟବହାର କରାଯାଇଛି । ଅଳ୍ପ ସମୟର ମ୍ୟୁଜିକ୍ ବ୍ୟବହାର କରାଯାଇଥିବାବେଳେ ଏହାକୁ ନେଇ ଲିଗାଲ ନୋଟିସ୍ ପଠାଇଛନ୍ତି ଧନୁଷ ।

କ୍ଷମା ମାଗିବା ସହ ୧୦ କୋଟି ଟଙ୍କାର ଭରଣ ପାଇଁ ନୋଟିସ ପଠାଇଛନ୍ତି ଧନୁଷ । ଯାହାକୁ ନେଇ ବର୍ଷିଛନ୍ତି ନୟନତାରା । ସେ କହିଛନ୍ତି କି, ଧନୁଷ ଜଣେ ଭଲ ଅଭିନେତା ଆଉ ତାଙ୍କ ପରିବାରର ବହୁ ଲୋକ ଏହି ସିନେମା ଇଣ୍ଡଷ୍ଟ୍ରିର ମାତ୍ର ସେ ଏଭଳି ଏକ କାମ କରିବେ ଏହା କେବେ ଭାବି ନଥିଲୁ । ତାଙ୍କ ଫିଲ୍ମର ଅଳ୍ପ କିଛି ସମୟର ମ୍ୟୁଜିକ୍ ବ୍ୟବହାର ପାଇଁ ଆମେ ଅନେକଥର ତାଙ୍କ ଅନେକବାର ଯୋଗାଯୋଗ କରିଛୁ । ମାତ୍ର ସେ ଶୁଣି ନଥିଲେ । ଆଉ ଏବେ ଲିଗାଲ ନୋଟିସ ପାଠାଇବା ପରେ ଏହାକୁ ନିନ୍ଦା କରିଛନ୍ତି ନୟନତାରା । ସେ କହିଛନ୍ତି କି, ଆମେ ମଧ୍ୟ ପୁଣିଥରେ ଏଡିଟିଙ୍ଗ କରି ଏହାକୁ ହଟାଇ ଦେଇଛୁ ।