ଛତିଶଗଡରେ ଏନକାଉଣ୍ଟର, ୫ ନକ୍ସଲ ନିପାତ
ରାୟପୁର: ଛତିଶଗଡ଼ରେ ନକ୍ସଲଙ୍କୁ ଏନକାଉଣ୍ଟର। ପୁଣି ମୁହାଁମୁହିଁ ହୋଇଛନ୍ତି ସୁରକ୍ଷାକର୍ମୀ ଓ ଲାଲବାହିନୀ। ୫ ନକ୍ସଲ ନିହତ ହୋଇଛନ୍ତି। ଏବେ ବି ଉଭୟ ପକ୍ଷ ମଧ୍ୟରେ ଗୁଳି ବିନିମୟ ଚାଲିଥିବାର ସୂଚନା ମିଳିଛି।
କାଙ୍କେର ଜିଲ୍ଲା ଓ ନାରାୟଣପୁର ଜିଲ୍ଲା ସୀମାନ୍ତରେ ଯେଉଁ ଜଙ୍ଗଲ ଅଛି, ସେଠାରେ ଲୁଚି ରହି କ୍ୟାମ୍ପ କରିଥିଲେ ମାଓବାଦୀମାନେ। ଖବର ପାଇବା ଜଙ୍ଗଲରେ କମ୍ଵିଂ କରିଥିଲେ ସୁରକ୍ଷାକର୍ମୀ। ଏହି ସମୟରେ ପ୍ରଥମେ ଗୁଳି ଚଳାଇଥିଲେ ନକ୍ସଲମାନେ। ଗୁଳିରେ ସୁରକ୍ଷାକର୍ମୀ ହିଁ ପାଲଟା ଜବାବ ଦେଇଛନ୍ତି। ଏଥିରେ ୫ ନକ୍ସଲ ନିହତ ହୋଇଛନ୍ତି। ୨ ଜଣ ସୁରକ୍ଷାକର୍ମୀ ଆହତ ହୋଇଛନ୍ତି।
