ନିର୍ବାଚନ ରାଲିରେ ମିଥୁନ ଚକ୍ରବର୍ତ୍ତୀଙ୍କ ପକେଟମାର୍, ମଞ୍ଚରୁ ଫେରାଇବାକୁ କଲେ ଅପିଲ୍
1 min read
ରାଞ୍ଚି: ଝାଡଖଣ୍ଡ ନିର୍ବାଚନ ପ୍ରଚାର ବେଳେ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କ ପକେଟ୍ମାର୍ । ନିରସା ବିଧାନସଭା ଆସନ ପାଇଁ ବିଜେପି ପ୍ରାର୍ଥୀ ଅପର୍ଣ୍ଣା ସେନଗୁପ୍ତାଙ୍କ ଲାଗି ପ୍ରଚାର ପାଇଁ ପହଞ୍ଚିଥିଲେ ମିଥୁନ ଦାଦା । ଏହି ସମୟରେ କେହି ତାଙ୍କ ଠୁ ଲୁଟି ନେଇଛି । ମିଥୁନଙ୍କୁ ଦେଖିବାକୁ ପାଖାପାଖି ଏକ ହଜାରରୁ ଊର୍ଦ୍ଧ୍ବ ଲୋକେ ଏକତ୍ରିତ ହୋଇଥିଲେ । ଭିଡ ନିୟନ୍ତ୍ରଣ କରିବା ପାଇଁ ନା ଏଠାରେ କୌଣସି ବ୍ୟବସ୍ଥା କରାଯାଇଥିଲା ନା ସୁରକ୍ଷା ଦିଆଯାଇଥିଲା ।
ମିଥୁନଙ୍କ ସହ ସେଲଫି ନେବା ପାଇଁ ଭିଡ ଭିତରେ ଠେଲାପେଲା ହୋଇଥିଲା । ଏହି ସମୟରେ ଲୁଟେରା ମିଥୁନଙ୍କ ପକେଟ୍ମାର୍ କରିଛନ୍ତି । ଘଟଣା ବିଷୟରେ ମିଥୁନ ଯେତେବେଳେ ଜାଣିଲେ ସେ ସଙ୍ଗେସଙ୍ଗେ ଅନ୍ୟ ବିଜେପି ନେତାଙ୍କୁ ଜଣାଇଥିଲେ । ମଞ୍ଚ ଉପରୁ ବିଜେପି ନେତା ପକେଟମାର୍ଙ୍କୁ ମିଥୁନ ଦାଦାଙ୍କ ପର୍ସ ଫେରାଇବା ପାଇଁ ନିବେଦନ କରିଥିଲେ । କିନ୍ତୁ ତାଙ୍କୁ ଆଉ ପର୍ସ ମିଳିନଥିଲା । ଏହି କାରଣରୁ ମିଥୁନ କାର୍ଯ୍ୟକ୍ରମ ଶୀଘ୍ର ଶେଷ କରି ଚାଲିଯାଇଥିଲେ ।
ଏଥିମଧ୍ୟରେ ଅଭିନେତା ଓ ଭାଜପା ନେତା ମିଥୁନଙ୍କ ସୁରକ୍ଷା ବଢାଇ ଦିଆଯାଇଛି । CISF ମିଥୁନ ଦାଦାଙ୍କ ସୁରକ୍ଷା ବଢାଇଛନ୍ତି । ନିକଟରେ ମିଥୁନଙ୍କୁ ସୋସିଆଲ ମିଡିଆରେ ଧମକ ମିଳିଛି । ଏହାପରେ ମିଥୁନଙ୍କୁ ୱାଇ ପ୍ଲସ କାଟାଗୋରୀ ସୁରକ୍ଷା ମିଳିଛି ।
