ଟ୍ରେନ ଦୁର୍ଘଟଣାରେ ସାଥୀ ଦନ୍ତା ହାତୀର ମୃତ୍ୟୁ ପରେ ଝୁରୁଛି ଆଉ ଏକ ଦନ୍ତା ହାତୀ

ଢେଙ୍କାନାଳ: ଢେଙ୍କାନାଳ ସଦର ରେଞ୍ଜ ଅନ୍ତର୍ଗତ ଚିନ୍ତା ପୋଖୋରୀ ଟ୍ରେନ ଦୁର୍ଘଟଣାରେ ସାଥୀ ଦନ୍ତା ହାତୀର ମୃତ୍ୟୁ ପରେ ଝୁରୁଛି ଆଉ ଏକ ଦନ୍ତା ହାତୀ। ଗତକାଲି ଟ୍ରେନ ଧକ୍କାରେ ଏକ ଦନ୍ତା ହାତୀର ମୃତ୍ୟୁ ହୋଇଥିଲା। ଦୁର୍ଘଟଣାରେ ମୃତ୍ୟୁ ହୋଇଥିବା ଦନ୍ତା ହାତୀ ପାଖରେ ରାତି ତମାମ ଜଗି ରହିଥିଲା ସାଥୀ ଦନ୍ତା ହାତୀ। ଏପରିକି ବନ ବିଭାଗ ଘଉଡ଼ାଇବା ପରେ ମଧ୍ୟ ଯାଇନଥିଲା। ତେବେ ସକାଳ ୭ଟା ପରେ ଦନ୍ତା ହାତୀଟି ଘଟଣାସ୍ଥଳରୁ ଚାଲିଯାଇଥିଲା।

ପୂର୍ବରୁ ଦନ୍ତା ହାତୀଟି ଅଞ୍ଚଳରେ ପୁରା ଆତଙ୍କ ଖେଳାଇଥିଲା । ଏହି ଦୁଇ ଦନ୍ତା ହାତୀ ଏକାଠି ଗୋଟିଏ ଦଳରେ ବୁଲନ୍ତି । ତେବେ ଦୁର୍ଘଟଣାରେ ହାତୀର ମୃତ୍ୟୁ ପରେ ଉତ୍ପାତ କରୁଥିବା ଦନ୍ତାଟି ତାର ସାଙ୍ଗକୁ ଖୋଜି ବୁଲୁଥିବା କଥା ଆଲୋଚନା ହେଉଛି ।