ବିଷାକ୍ତ ସାପ କାମୁଡାରେ ଚାଲିଗଲା ମାଆ, ଝୁରୁଛନ୍ତି ପିଲା

ନନ୍ଦିଘୋଷ ବ୍ୟୁରୋ: ଜନ୍ମକଲା ମାଆର ମୃତୁ ପରେ ଝୁରୁଛନ୍ତି ପିଲା। ବିଷାକ୍ତ ସାପ କାମୁଡାରେ ସାନଖେମୁଣ୍ଡି ପାଟପୁର ତିତିଖଣ୍ଡି ଗାଁର ଗୀତାଞ୍ଜଳିଙ୍କର ମୃତ୍ଯୁ ହୋଇଛି। ଗୀତାଞ୍ଜଳିଙ୍କର ୩ ବର୍ଷର କନ୍ୟା ସନ୍ତାନ ଏବଂ ୭ ମାସର ପୁତ୍ର ସନ୍ତାନ ଅଛନ୍ତି। ମାଆଙ୍କୁ ଝୁରି ଝୁରି ଦୁଇ ପିଲାଙ୍କ ଆଖିରୁ ଲୁହ ଶୁଖୁନି। ମାଆ ଛେଉଁଣ୍ଡ ପିଲାଙ୍କର କେମିତି ଲାଳନ ପାଳନ ହେବ ସେହି ଚିନ୍ତାରେ ପରିବାର।

ବିଷାକ୍ତ ସାପ କାମୁଡାରେ ଚାଲିଗଲା ମାଆ। ଝୁରୁଛନ୍ତି ପିଲା। ୧୩ ତାରିଖ ଦିନ ଗଞ୍ଜାମ ସାନଖେମୁଣ୍ଡି ବ୍ଲକ ସାହାସପୁର ତିତିଖଣ୍ଡି ଗାଁର ଏମ. ଗୀତାଞ୍ଜଳିଙ୍କର ସାପ କାମୁଡାରେ ମୃତ୍ଯୁ ପରେ ପରିବାରରେ ଶୋକର ଛାୟା ଖେଳିଯାଇଛି। ଗୀତାଞ୍ଜଳିଙ୍କର ୩ ବର୍ଷର କନ୍ୟା ସନ୍ତାନ ଏବଂ ୭ ମାସର ପୁତ୍ର ସନ୍ତାନ ଅଛନ୍ତି। ମାଆଙ୍କୁ ଝୁରି ଝୁରି ଦୁଇ ପିଲାଙ୍କ ଆଖିରୁ ଲୁହ ଶୁଖୁନି। ମାଆ ଛେଉଁଣ୍ଡ ପିଲାଙ୍କର କେମିତି ଲାଳନ ପାଳନ ହେବ ସେହି ଚିନ୍ତାରେ ପରିବାର।

ଗୀତାଞ୍ଜଳିଙ୍କ ପରିବାର ଆର୍ଥିକ ସ୍ଥରରେ ସ୍ୱଚ୍ଛଳ ନୁହନ୍ତି। ଚାଳ ଏବଂ ମାଟି କାନ୍ଥ ଘରେ ରୁହନ୍ତି ପରିବାର। ଏହି ସମୟରେ ଅସହାୟ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି କରିଛନ୍ତି ଗ୍ରାମବାସୀ। ପଡୋଶୀଙ୍କ ସହାୟତାରେ ଗୀତାଞ୍ଜଳିଙ୍କର ଅନ୍ତିମ ସଂସ୍କାର କରିଥିଲେ ପରିବାର।