ଦୁଇ ରାଜ୍ୟର ବିଧାନସଭା ନିର୍ବାଚନ ତାରିଖ ଘୋଷଣା କଲେ ECI
ଭୁବନେଶ୍ବର: ମହାରାଷ୍ଟ୍ର ଓ ଝାଡଖଣ୍ଡ ବିଧାନସଭା ନିର୍ବାଚନର ତାରିଖ ଘୋଷଣା କଲେ ନିର୍ବାଚନ କମିଶନର । ଝାଡଖଣ୍ଡରେ ଦୁଇଟି ପର୍ଯ୍ୟାୟରେ ନିର୍ବାଚନ ହେବାକୁ ଥିବାବେଳେ ମହାରାଷ୍ଟ୍ରରେ ଗୋଟିଏ ପର୍ଯ୍ୟାୟରେ ହେବ ନିର୍ବାଚନ । ଗୋଟିଏ ପର୍ଯାୟରେ ଆସନ୍ତା ନଭେମ୍ବର ୨୦ରେ ହେବ ମହାରାଷ୍ଟ୍ର ନିର୍ବାଚନ । ସେହିପରି ନଭେମ୍ବର ୧୧ ଓ ୧୩ରେ ଦୁଇଟି ପର୍ଯ୍ୟାୟରେ ଝାଡଖଣ୍ଡରେ ନିର୍ବାଚନ ଅନୁଷ୍ଠିତ ହେବ । ଆସନ୍ତା ନଭେମ୍ବର ୨୩ରେ ଦୁଇ ରାଜ୍ୟର ନିର୍ବାଚନ ଫଳାଫଳ ଘୋଷଣା ହେବ ।
ଆସନ୍ତା ୨୬ ନଭେମ୍ବରରେ ମହାରାଷ୍ଟ୍ର ଓ ୫ ଜାନୁଆରୀରେ ସରୁଛି ଝାଡ଼ଖଣ୍ଡ ବିଧାନସଭା କାର୍ଯ୍ୟକାଳ। ମହାରାଷ୍ଟ୍ରର ମୋଟ ୨୮୮ ଆସନ ଏବଂ ଝାଡ଼ଖଣ୍ଡର ୮୧ ଆସନ ଲାଗି ନିର୍ବାଚନ ଅନୁଷ୍ଠିତ ହେବ।
ମହାରାଷ୍ଟ୍ର ବିଧାନସଭାରେ ମୋଟ ଆସନ ସଂଖ୍ଯା ରହିଛି ୨୮୮। ବିଜେପି, ଶିବସେନା, ଏନସିପିକୁ ନେଇ ଗଠିତ ମହାୟୁତିର ସଦସ୍ଯ ସଂଖ୍ଯା ରହିଛି ୨୦୨। ବିଜେପିର ୧୦୨, ଏନସିପିର ୪୦, ଶିବସେନାର ୩୮, ବିଭିଏର ୩, ଅନ୍ଯାନ୍ଯଙ୍କ ସଦସ୍ଯ ସଂଖ୍ଯା ରହିଛି ୧୯। ସେହିପରି କଂଗ୍ରେସ, ଏନସିପି(ଏସପି) ଓ ଶିବସେନା ୟୁବିଟିର ମୋଟ ସଦସ୍ଯ ସଂଖ୍ଯା ରହିଛି ୬୯।
ଝାଡଖଣ୍ଡ ବିଧାନସଭାର ମୋଟ ଆସନ ରହିଚି ୮୧। ଇଣ୍ଡି ମେଣ୍ଟର ସଦସ୍ଯ ସଂଖ୍ଯା ୪୪। ଏଥିରେ ଜେଏମଏମର ୨୫, କଂଗ୍ରେସର ୧୭, ସିପିଏମଏଲର ଜଣେ, ଆରଜେଡିର ଜଣେ ସଦସ୍ଯ ରହିଛନ୍ତି। ଏନଡିଏର ସଦସ୍ଯ ସଂଖ୍ଯା ୩୦। ଏଥିରେ ଅଛନ୍ତି ବିଜେପିର ୨୫, ଆଜସୁର ୩, ଜେଡିୟୁର ଜଣେ ଓ ଜଣେ ସ୍ବାଧୀନ ବିଧାୟକ।
