ଆସନ୍ତାକାଲି ମୁଖ୍ୟମନ୍ତ୍ରୀ ଭାବେ ଶପଥ ନେବେ ଉମର ଅବଦୁଲ୍ଲା

ଶ୍ରୀନଗର: ଆସନ୍ତାକାଲି ମୁଖ୍ୟମନ୍ତ୍ରୀ ଭାବେ ଶପଥ ନେବେ ଉମର ଅବଦୁଲ୍ଲା। ଜାମ୍ମୁ କାଶ୍ମୀରରେ ସରକାର ଗଠନ ଲାଗି ଉମର ଅବଦୁଲ୍ଲାକୁ ଉପରାଜ୍ୟପାଳଙ୍କ ପାଖରୁ ଡାକରା ଆସିଛି। ସରକାର ଗଠନ ଲାଗି ଉପରାଜ୍ୟପାଳ ମନୋଜ ସିହ୍ନା ଡାକିଥିବା ନେଇ ସୂଚନା ଦେଇଛନ୍ତି ନ୍ଯାସନାଲ କନଫରେନ୍ସ ନେତା ଉମର ଅବଦୁଲ୍ଲା। ଆସନ୍ତାକାଲି ୧୬ ଅକ୍ଟୋବରରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ ଉମର ଅବଦୁଲ୍ଲା। ରାଜ୍ୟପାଳଙ୍କ ପକ୍ଷରୁ ଆସିଥିବା ଚିଠି ସୋସିଆଲ ମିଡିଆରେ ସେୟାର କିଛନ୍ତକି ଉମର ଅବଦୁଲ୍ଲା।

ଏହା ପୂର୍ବରୁ ଜମ୍ମୁ କାଶ୍ମୀରରେ ଲାଗିଥିବା ରାଜ୍ୟପାଳ ଶାସନକୁ ପ୍ରତ୍ଯାହାର କରିଛନ୍ତି ସରକାର। ଏ ନେଇ କେନ୍ଦ୍ର ସରକାରଙ୍କ ପକ୍ଷରୁ ଗତ ରବିବାର ବିଜ୍ଞପ୍ତି ପ୍ରକାଶ କରାଯାଇଛି। ଗତ ୨୦୧୯ ଅକ୍ଟୋବର ୩୧ ତାରିଖରେ ଜମ୍ମୁ କାଶ୍ମୀରରେ ଧାରା ୩୭୦ ଲାଗୁ କରାଯାଇଥିଲା । ଧାରା ୩୭୦ ହଟିବା ପରେ ପ୍ରଥମ ନିର୍ବାଚିତ ମୁଖ୍ୟମନ୍ତ୍ରୀ ହେବେ ଉମର ଅବଦୁଲ୍ଲା। ମୋଟ ୯୦ ଆସନରୁ ଏନସି-କଂଗ୍ରେସ ମେଣ୍ଟ ୪୮ ଆସନ ଜିତିଥିବାବେଳେ ମୋଟ ୫୫ ବିଧାୟକଙ୍କ ସମର୍ଥନ ଥିବା ଦାବି କରିଥିଲେ ଉମର ଅବଦୁଲ୍ଲା।