ଜୋରସୋରରେ ଚାଲିଛି ବିଜେଡିର ସଭ୍ୟ ସଂଗ୍ରହ ଅଭିଯାନ

ନନ୍ଦିଘୋଷ ବ୍ୟୁରୋ: ଜୋରସୋରରେ ଚାଲିଛି ବିଜେଡିର ସଭ୍ୟ ସଂଗ୍ରହ ଅଭିଯାନ। ଆବାହକ ଅତନୁ ସବ୍ୟସାଚୀ କହିଛନ୍ତି, ସଂପୂର୍ଣ୍ଣ ରିପୋର୍ଟ ଆସିନଥିଲେ ମଧ୍ୟ ପ୍ରଥମ ଦିନ ୨୫ ହଜାରରୁ ଅଧିକ ଲୋକ ବିଜେଡିର ସଦସ୍ୟତା ଗ୍ରହଣ କରିଛନ୍ତି। ପୂଜା ପରେ ଜିଲ୍ଲା ସ୍ତରରେ ଏହାକୁ ଆହୁରି ବ୍ୟାପକ କରାଯିବ। ମିସଡ କଲ ନୁହେଁ, ଘରକୁ ଘର ଯାଇ ବିଜେଡି ସଭ୍ୟ କରିବ। ଉଭୟ ମନୁଆଲି ଓ ଡିଜିଟାଲି ସଭ୍ୟ ସଂଗ୍ରହ ହେଉଥିବାରୁ ପ୍ରତି ଜିଲ୍ଲା, ନିର୍ବାଚନ ମଣ୍ଡଳୀ ଜିଲ୍ଲା ପରିଷଦ ଜୋନରେ କର୍ମଶାଳା ଅନୁଷ୍ଠିତ ହେବ। ଏହା ଜରିଆରେ ଦେଖାଯିବ କେତେ ଯୁବ ଓ ଛାତ୍ର ଯୋଡ଼ି ହେଉଛନ୍ତି ବିଜେଡିରେ । ସ୍ଥାନୀୟ ନେତୃତ୍ୱ ଓ  ସଭ୍ୟ ସଂଗ୍ରହ କମିଟିର ୨୨ ଜଣ ସଦସ୍ୟ ଏହାର ତଦାରଖ କରିବେ। ଗତକାଲି ଶଙ୍ଖ ଭବନରେ ବିଜେଡି ସଭାପତି ନବୀନ ପଟ୍ଟନାୟକ ସଭ୍ୟ ସଂଗ୍ରହ ଅଭିଯାନର ଶୁଭାରମ୍ଭ କରିଥିଲେ।