ଜମ୍ମୁ ଓ କାଶ୍ମୀର ନୂଆ ମୁଖ୍ୟମନ୍ତ୍ରୀ ଭାବେ ଓମାର ଅବଦୁଲ୍ଲାଙ୍କ ନାଁ ଘୋଷଣା

କାଶ୍ମୀର: ଜାମ୍ମୁ କାଶ୍ମୀର ବିଧାନସଭା ନିର୍ବାଚନରେ ନ୍ୟାସନାଲ କନଫରେନସ ନେତୃତ୍ଵାଧୀନ ମେଣ୍ଟର ବଡ଼ ବିଜୟ । ନ୍ୟାସନାଲ କନଫରେନ୍ସ ଓ କଂଗ୍ରେସ ମେଣ୍ଟ ସରକାର କରିବାକୁ ଯାଉଛନ୍ତି । ସେମାନେ ୪୮ ଟି ସିଟରେ ଆଗୁଆ ରହିଛି ମେଣ୍ଟ । ନ୍ୟାସନାଲ କନଫରେନ୍ସ ୪୨ଟି ସିଟରେ ଆଗୁଆ ରହିଥିବା ବେଳେ କଂଗ୍ରେସ ୬ଟି ଆସନରେ ଆଗୁଆ ରହିଛି । ବିଜୟ ପକ୍କା ଜଣାପଡ଼ିବା ପରେ ଓମାର ଅବଦୁଲ୍ଲା ମୁଖ୍ୟମନ୍ତ୍ରୀ ହେବେ ବୋଲି ନିଷ୍ପତ୍ତି ହୋଇଛି । ଏହି ସୂଚନା ଦେଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ଓମାରଙ୍କ ବାପା ଫାରୁକ ଅବଦୁଲ୍ଲା ।

କାଶ୍ମୀର ଉପତ୍ୟକାରେ ପୂରା ପୋଛି ନେଇଛି ନ୍ୟାସନାଲ କନଫରେନ୍ସ । କଂଗ୍ରେସର ପ୍ରଦର୍ଶନ କିନ୍ତୁ ସେତେଟା ଭଲ ନୁହେଁ । ସେପଟେ ଜମ୍ମୁ ଅଞ୍ଚଳରେ ବିଜେପି ଭଲ କରିଛି । ୨୯ଟି ଆସନରେ ଆଗୁଆ ରହିଛି ଏହି ଦଳ । ପିଡିପିର ପ୍ରଦର୍ଶନ ମଧ୍ୟ ଭଲ ହୋଇନି । ମେହବୁବା ମୁଫତିଙ୍କ ଦଳ ମାତ୍ର ୪ଟି ଆସନରେ ଆଗୁଆ ରହିଛନ୍ତି । ଏପରିକି ମେହବୁବାଙ୍କ ଝିଅ ମଧ୍ୟ ହାରି ଯାଇଛନ୍ତି । କୁହାଯାଉଛି ଧାରା ୩୭୦ ବିଜେପିକୁ ଦେଇଛି ବଡ଼ ଝଟକା । ଏହାର ଫାଇଦା ନେଇଛନ୍ତି ନ୍ୟାସନାଲ କନଫରେନ୍ସ ଓ କଂଗ୍ରେସ । ପ୍ରଥମ ଥର ପାଇଁ ଜାମ୍ମୁ କାଶ୍ମୀରରେ ସରକାର ଗଠନ ପାଇଁ ବିଜେପି ଯେଉଁ ଆଶା ରଖିଥିଲା ତାହା ଫସର ଫାଟି ଯାଇଛି । ୧୦ ବର୍ଷ ପରେ ଏଥର ଜାମ୍ମୁ କାଶ୍ମୀରରେ ବିଧାନସଭା ନିର୍ବାଚନ ହୋଇଥିଲା । ଏଥିରେ ଲୋକେ ବଡ଼ ଉତ୍ସାହର ସହିତ ଭାଗ ନେଇଥିଲେ ।