ରୋଗ ଭଲ ପାଇଁ ମେଡିକାଲ ଯାଇଥିଲେ, ଶବ ହୋଇ ଫେରିଲେ
ନୟାଗଡ଼: ଡାକ୍ତର ଭୁଲ୍ ଇଞ୍ଜେକ୍ସନ ଦେବା ଯୋଗୁ ରୋଗୀଙ୍କ ମୃତ୍ୟୁ ଅଭିଯୋଗ । ନୟାଗଡ଼ରେ ଥିବା କୁମାର ହସ୍ପିଟାଲ ବିରୋଧରେ ଏହି ଅଭିଯ଼ୋଗ ଆସିଛି । ଚାହାଳି ଗାଁର ନିରଞ୍ଜନ ବେହେରା ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହୋଇଥିଲେ । ଅପରେସନ ସମୟରେ ନିରଞ୍ଜନଙ୍କୁ ଡାକ୍ତର ଭୁଲ୍ ଇଞ୍ଜେକ୍ସନ ଦେଇଥିବା ଅଭିଯୋଗ ହୋଇଛି ।
ଇଞ୍ଜେକ୍ସନ ନେବା ପରେ ନିରଞ୍ଜନଙ୍କ ପାଟି ବନ୍ଦ ହୋଇଯାଇଥିଲା । କୁମାର ହସ୍ପିଟାଲ କର୍ତ୍ତୃପକ୍ଷ ଭୁଲ୍ ଜାଣିପାରି ତାଙ୍କୁ ଭୁବନେଶ୍ୱର ପଠାଇ ଦେଇଥିଲେ । ସେଠାରେ ନିରଞ୍ଜନଙ୍କୁ ଡାକ୍ତର ମୃତ ଘୋଷଣା କରିଥିଲେ । 
ଆଜି ସକାଳେ ପରିବାର ଲୋକ ନୟାଗଡ଼ କୁମାର ହସ୍ପିଟାଲ ଆଗରେ ମୃତଦେହ ରଖି ଧାରଣା ଦେଇଥିଲେ । ତେବେ ଏନେଇ କୁମାର ହସ୍ପିଟାଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିନାହିଁ ।
