ବ୍ଯାଗରେ ନବଜାତକକୁ ପୁରାଇ ନଦୀକୁ ଫିଙ୍ଗିଦେଲା ମାଆ
ଉଦଳା: ବ୍ଯାଗରେ ନବଜାତକକୁ ପୁରାଇ ନଦୀକୁ ଫିଙ୍ଗିଦେଲା ମାଆ। ଏଭଳି ଏକ ଅଭାବନୀୟ ଘଟଣା ଘଟିଛି ମୟୂରଭଂଜ ଉଦଳା ଅଂଚଳରେ। ନବଜାତ ଶିଶୁପୁତ୍ରକୁ ବ୍ୟାଗରେ ଭର୍ତ୍ତି କରି ପୋଲ ଉପରୁ ତଳକୁ ନଦୀକୁ ଫୋପାଡି ଦେଇ ଚାଲିଗଲେ ପରିବାରଲୋକେ। ପରେ ବ୍ୟାଗ ଭିତରୁ ଛୋଟ ପିଲା କାନ୍ଦିବାର ଶବ୍ଦ ଶୁଭିଥିଲା।
ବ୍ୟାଗରୁ ନବଜାତ ଶିଶୁପୁତ୍ରକୁ ଉଦ୍ଧାର କରିଥିଲେ ସ୍ଥାନୀୟ ଲୋକେ। ଉଦଳା ଥାନା ଅଠଣଗାଁ ନିକଟରେ ଥିବା ସୋନ ନଦୀ ପୋଲ ତଳେ ସ୍ଥାନୀୟ ମହିଳାମାନେ ଗାଧୋଉଥିଲେ। ଏହି ସମୟରେ ବାଇକରେ ଆସି ଗୋଟିଏ ବ୍ୟାଗକୁ ପୋଲ ଉପରୁ ତଳକୁ ପକାଇ ଦେଇ ଚାଲିଯାଇଥିଲେ। ବ୍ୟାଗ ଖୋଲି ଦେଖିବାରୁ ଭିତରେ ଜଣେ ନବଜାତକ ଶିଶୁପୁତ୍ର ରହିଥିବା ଦେଖିବାକୁ ପାଇଥିଲେ।
ପରିବା ବ୍ୟାଗ ଭିତରେ ଖବରକାଗଜ ରଖି ସେଥି ମଧ୍ୟରେ ଶିଶୁପୁତ୍ରକୁ ରଖି ଫୋପାଡି ଦେଇ ଚାଲିଯାଇଥିଲେ। ଉଦ୍ଧାର କରି ଶିଶୁପୁତ୍ରକୁ ଚିକିତ୍ସା ଲାଗି ମେଡିକାଲରେ ଭର୍ତି କରିଛନ୍ତି।
