ଆଜି ୪ ଜିଲ୍ଲାରେ ଚକଅଖ ଜାମ୍, ସକାଳ ୬ଟାରୁ ସନ୍ଧ୍ଯା ୬ଟା ଯାଏଁ ବନ୍ଦ ପାଳନ
କୋରାପୁଟ: ଆଜି ଅବିଭକ୍ତ କୋରାପୁଟ ବନ୍ଦ। ୪ ଜିଲ୍ଲାରେ ଚକଅଖ ଜାମ୍। କୋରାପୁଟ, ନବରଙ୍ଗପୁର, ମାଲକାନଗିରି ଓ ରାୟଗଡା ଜିଲ୍ଲାରେ ସକାଳ ୬ଟାରୁ ଆରମ୍ଭ ହୋଇଛି ବନ୍ଦ ପାଳନ। ଜିଲ୍ଲା ଭିତ୍ତିକ ନିଯୁକ୍ତି ଦାବିରେ ଆନ୍ଦୋଳନକୁ ଓହ୍ଲାଇଛି ମିଳିତ କ୍ରିୟାନୁଷ୍ଠାନ କମିଟି। ବହୁ ଯୁବକ ଯୁବତୀଙ୍କ ସହ ଗଣ ସଂଗଠନ ଆନ୍ଦୋଳନରେ ସାମିଲ ହୋଇଛନ୍ତି।
ସକାଳ ୬ ରୁ ସଂଧ୍ଯା ୬ ଟାପର୍ଯ୍ୟନ୍ତ ବନ୍ଦ ପାଳନ କରାଯାଉଛି। ଏହି ସମୟରେ ଗାଡ଼ି ଚଳାଚଳ ସହ ଦୋକାନ ବଜାର ବନ୍ଦ ରହିବ। ଜିଲ୍ଲା ସରପଞ୍ଚ ସଂଘ, ବଣିକ ସଂଘ , ସ୍ବାଭିମାନୀ ଜୟପୁର ସଂଘ , ଜିଲ୍ଲା ମିଲ୍ ମାଲିକ ସଂଘ , ସମେତ ବରିଷ୍ଠ ନାଗରିକ ସଂଘ ବନ୍ଦ ପାଳନରେ ସାମିଲ ହୋଇଛି। ରାଜ୍ୟ ସରକାର ଅବିଭକ୍ତ କୋରାପୁଟ ଜିଲ୍ଲାରେ ସ୍ଥାନୀୟ ନିଯୁକ୍ତି ନଦେଲା ଯାଏଁ ଏହି ଆନ୍ଦୋଳନ ଜାରି ରହିବ ବୋଲି କହିଛି ମିଳିତ କ୍ରିୟାନୁଷ୍ଠାନ କମିଟି।
