ମାଆ ବିରଜାଙ୍କ ନବରାତ୍ର ଦର୍ଶନ ଆରମ୍ଭ, ଆଜି ସନ୍ଧ୍ୟାରୁ ରଥ ପରିକ୍ରମା

ଯାଜପୁର: ଯାଜପୁରରେ ମାଆ ବିରଜାଙ୍କ କ୍ଷେତ୍ରରେ ଆରମ୍ଭ ହୋଇଛି ନବରାତ୍ର ଦର୍ଶନ । ସେହିପରି ଆଜି ସନ୍ଧ୍ୟାରେ ରଥ ପ୍ରତିଷ୍ଠା ପରେ ସିହଂଦ୍ବାରରୁ ଗଡିବ ସିଂହଧ୍ବଜ ରଥ । ନବରାତ୍ର ସମୟରେ ମାଆ ଶ୍ରଦ୍ଧାଳୁଙ୍କୁ ଚରଣ ସ୍ପର୍ଶ ପାଇଁ ସୁଯୋଗ ଦେଇଥାନ୍ତି । ମାଆଙ୍କ ପାଦ ଓ ମୁଖ ଦର୍ଶନ ଲାଗି ଲମ୍ବା ଲାଇନ ଲାଗିଛି । ବର୍ଷକରେ ଥରେ ଏହି ଦୁର୍ଲଭ ଦର୍ଶନ କରି ପୁଣ୍ୟ ଅର୍ଜନ କରିଥିବା କହିଛନ୍ତି ଶ୍ରଦ୍ଧାଳୁ ।

ସେହିପରି ସାରା ଦେଶରେ ଶାରଦୀୟ ପୂଜା ସମୟରେ ଦେବୀ ଦୁର୍ଗତିନାଶିନୀ ଭାବେ ରଥାଋଢ ହୋଇ ବେଢା ପରିକ୍ରମା କରି ମହିଷାସୁରକୁ ନିଧନ କରିବା ପରମ୍ପରା ଅନ୍ୟ କୌଣସି ଶକ୍ତିକ୍ଷେତ୍ରରେ ଦେଖାଯାଏନି । ସେଥିଲାଗି ବିରଜା ପୀଠର ପୂଜା ଭିନ୍ନ ବୋଲି ସେବାୟତ କହିଛନ୍ତି । ଆଜି ସନ୍ଧ୍ୟାରେ ରଥ ପ୍ରତିଷ୍ଠା ପରେ ମାଆଙ୍କ ବିଜେ ପ୍ରତିମା ରଥରେ ବିରାଜମାନ କରିବେ । ଆଜି ଠାରୁ ନବମୀ ଯାଏଁ ଅପରାହ୍ନରେ ରଥରେ ବସି ଶ୍ରଦ୍ଧାଳୁଙ୍କ ଗହଣରେ ବେଢା ପରିକ୍ରମା କରିବେ ମାଆ ।