ବର୍ଦ୍ଧମାନ ଗ୍ରୁପର ମାଲିକଙ୍କୁ ଡିଜିଟାଲ ଆରେଷ୍ଟ କରି ଠକିନେଲେ ୭ କୋଟି !
ନୂଆଦିଲ୍ଲୀ : ସାଇବର ଠକେଇର ଏକ ନୂଆ କେସ୍ ସାମ୍ନାକୁ ଆସିଛି । ଯେଉଁଥିରେ ବର୍ଦ୍ଧମାନ ଗ୍ରୁପର ମାଲିକ ଏସ. ପି . ଓସଓ୍ୱାଲଙ୍କୁ ୭ କୋଟି ଟଙ୍କାର ଚୂନା ଲାଗାଇଦେଇଛନ୍ତି ସାଇବର ଠକ । ଏଥିରେ ତାଙ୍କୁ ଫେକ୍ ଏସବିଆଇ କଲ୍ କରି ଫର୍ଜି ଆରେଷ୍ଟ ଓ୍ୱାରେଣ୍ଟ ଦେଖାଇବା ସହ ଡିଜିଟାଲୀ ଆରେଷ୍ଟ ମଧ୍ୟ ରଖାଯାଇଥିଲା । ଏହି ଘଟଣାର ୪୮ ଘଣ୍ଟା ମଧ୍ୟରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ବର୍ଦ୍ଧମାନ ଗ୍ରୁପର ମାଲିକଙ୍କୁ ଚୂନା ଲଗାଇଥିବା ଏହି ଠକଙ୍କୁ କାବୁ କରିଛି ପଞ୍ଜାବ ପୋଲିସ । ପୋଲିସ ସୂଚନା ମୁତାବକ ଏହି ଦୁଇ ଠକଙ୍କ ଠାରୁ ୫.୨୫ କୋଟି ଟଙ୍କା ଜବତ କରାଯାଇଛି । ଏହି ଗ୍ୟାଙ୍ଗର ଅନ୍ୟ ୭ଜଣ ସଦସ୍ୟଙ୍କୁ ଚିହ୍ନଟ କରାଯିବା ସହ ସେମାନଙ୍କୁ ଧରିବାକୁ ଚେଷ୍ଟା କରାଯାଉଛି ବୋଲି କହିଛି ପୋଲିସ । ସମସ୍ତ ଠକ ଆସାମ ଏବଂ ପଶ୍ଚିମବଙ୍ଗର ବୋଲି ଜଣାପଡିଛି ।
ଏହି ସାଇବର ଠକ ବର୍ଦ୍ଧମାନ ଗ୍ରୁପର ମାଲିକଙ୍କ ଠାରୁ ଲୁଟିଥିବା ୭ କୋଟି ଟଙ୍କାକୁ ଅଲଗା ଅଲଗା ଆକାଉଣ୍ଟ ଜରିଆରେ ଉଠାଯାଇଛି । ହେଲେ ଏତେ ବଡ଼ ଠକାମି ହେଉଥିବା ସମୟରେ ଏସ. ପି . ଓସଓ୍ୱାଲଙ୍କୁ ତିଳେ ବି ସନ୍ଦେହ ହୋଇନଥିଲା ।
