ଭରତପୁର ଥାନା ବିବାଦ ଘଟଣାରେ କ୍ରାଇମବ୍ରାଞ୍ଚକୁ ହାତରେ ଡିଜିଟାଲ ଏଭିଡେନ୍ସ
1 min read
ଭୁବନେଶ୍ବର: ଭରତପୁର ଥାନା ବିବାଦ ଘଟଣାରେ କ୍ରାଇମବ୍ରାଞ୍ଚକୁ ମିଳିଛି ଡିଜିଟାଲ ଏଭିଡେନ୍ସ ସହ ପାରିପାର୍ଶ୍ବିକ ପ୍ରମାଣ । ଖୁବଶୀଘ୍ର ଏହାର ଖୁଲାସା କରାଯିବ ବୋଲି କହିଛନ୍ତି ତଦନ୍ତକାରୀ ଅଧିକାରୀ । ଗତକାଲି କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ସହ ଆଲୋଚନା ପରେ ଏନେଇ ପ୍ରତିକ୍ରିୟା ରଖିଛନ୍ତି ତଦନ୍ତକାରୀ ଅଧିକାରୀ ।
ସେ କହିଛନ୍ତି, ବୟାନ ରେକର୍ଡର ସମସ୍ତ ରିପୋର୍ଟକୁ ADGଙ୍କୁ ଦିଆଯାଇଛି । ମୋବାଇଲର CDR ଯାଞ୍ଚ କରାଯାଉଛି । କ୍ରାଇମବ୍ରାଞ୍ଚ ଚାପମୁକ୍ତ ହୋଇ ତଦନ୍ତ କରୁଛି ଏବଂ ଖୁବଶୀଘ୍ର ଘଟଣାର ଖୁଲାସା ହେବ । ଘଟଣାକୁ ଏବେ ୭ ଦିନ ବିତିସାରିଛି । ନିଲମ୍ବିତ ପୋଲିସ ଅଧିକାରୀଙ୍କ ସହ କ୍ୟାପଟେନ ଗୁରୁବଂଶଙ୍କର ବୟାନ ରେକର୍ଡ କରାଯାଇଛି । ବାନ୍ଧବୀ କିଭଳି ଆହତ ହେଲେ ? ଥାନାରେ ତାଙ୍କୁ କିଭଳି ବ୍ୟବହାର କରାଗଲା ?
ଆଇଆଇସି ଘଟଣାସ୍ଥଳରେ କିଭଳି ବ୍ୟବହାର କରିଥିଲେ ? ପଥରଗାଡ଼ିଆ ରାସ୍ତାରେ ପ୍ରକୃତରେ କଣ’ ଘଟିଥିଲା ? ସେନେଇ ପଚରାଉଚରା କରାଯାଇଛି । ଘଟଣାରେ ପୀଡ଼ିତାଙ୍କ ହୋଇପାରେ ଲାଏ ଡିଟେକ୍ସନ ଟେଷ୍ଟ । କିନ୍ତୁ ଏନେଇ କ୍ରାଇମବ୍ରାଞ୍ଚ ତରଫରୁ କୌଣସି ସ୍ପଷ୍ଟ ସୂଚନା ଦିଆଯାଇନାହିଁ।
