ଷ୍ଟର୍ମ ଛାୟା କ୍ଷେପଣାସ୍ତ୍ର ପାଇଁ କାହିଁକି ଅନୁମତି ମାଗୁଛି ୟୁକ୍ରେନ ?

ନନ୍ଦିଘୋଷ ବ୍ୟୁରୋ: ୟୁକ୍ରେନ ଏବଂ ରୁଷିଆ ମଧ୍ୟରେ ଯୁଦ୍ଧ ବନ୍ଦ ହେଉନଥିବା ବେଳେ ୟୁକ୍ରେନ ଯୁଦ୍ଧରେ ଷ୍ଟର୍ମ ଛାୟା କ୍ଷେପଣାସ୍ତ୍ର ବ୍ୟବହାର କରିବାକୁ ଅନୁମତି ମାଗୁଛି। ଏହା ଏକ ଶକ୍ତିଶାଳୀ କ୍ରୁଜ୍ କ୍ଷେପଣାସ୍ତ୍ର ଯେଉଁଥିରେ ଏକ ବଙ୍କର ମଧ୍ୟ ନଷ୍ଟ କରିବାର ଶକ୍ତି ଅଛି । ଏହି କ୍ଷେପଣାସ୍ତ୍ରର ସୀମା ୨୫୦କିଲୋମିଟର (୧୫୫ ମାଇଲ) ପର୍ଯ୍ୟନ୍ତ ରହିଛି  । ରୁଷିଆର କ୍ରମାଗତ ଆକ୍ରମଣ ହେତୁ ୟୁକ୍ରେନ ଏହି କ୍ଷେପଣାସ୍ତ୍ର ଦାବି କରୁଛି, ଯାହାର ନାମ ଷ୍ଟର୍ମ ଛାୟା ମିସାଇଲ। ଗୋଟିଏ ପଟେ ରୁଷ ଆକ୍ରମଣର ସମ୍ମୁଖୀନ ହେବାକୁ ୟୁକ୍ରେନ ଏହି କ୍ଷେପଣାସ୍ତ୍ର ଦାବି କରୁଛି ଅନ୍ୟପକ୍ଷରେ, ରୁଷିଆ ୟୁକ୍ରେନ୍ର ଏହି କ୍ଷେପଣାସ୍ତ୍ର ବ୍ୟବହାର ଉପରେ ଆମେରିକା ଏବଂ ବ୍ରିଟେନ ପ୍ରତିବନ୍ଧକ ଲଗାଇଛନ୍ତି, ଯାହା ୟୁକ୍ରେନ ଅନେକ ସପ୍ତାହ ଧରି ହଟାଇବାକୁ ଦାବି କରିଆସୁଛି ।

କ୍ଷେପଣାସ୍ତ୍ର କାହିଁକି ସ୍ୱତନ୍ତ୍ର?

ଷ୍ଟର୍ମ ଛାୟା ହେଉଛି ଏକ କ୍ରୁଜ୍ କ୍ଷେପଣାସ୍ତ୍ର, ଯାହା ବ୍ରିଟେନ ଏବଂ ଫ୍ରାନ୍ସ ଦ୍ୱାରା ବିକଶିତ । ଏହା ଏକ ଶକ୍ତିଶାଳୀ କ୍ଷେପଣାସ୍ତ୍ର ଯାହା ବଙ୍କର୍ ଏବଂ ଗୁଳିଗୋଳା ଷ୍ଟୋରେଜ୍ ପରି ଲକ୍ଷ୍ୟକୁ ନଷ୍ଟ କରିପାରେ  । ଏହି କ୍ଷେପଣାସ୍ତ୍ରର ସୀମା ୨୫୦ କିଲୋମିଟର (୧୫୫ ମାଇଲ) ପର୍ଯ୍ୟନ୍ତ ରହିଛି  । ୟୁକ୍ରେନରେ ପୂର୍ବରୁ ଏହି କ୍ଷେପଣାସ୍ତ୍ର ଅଛି, କିନ୍ତୁ ଏହାକୁ ରୁଷିଆ ଉପରେ ନିକ୍ଷେପ କରିବାକୁ ୟୁକ୍ରେନ ଉପରେ କଟକଣା ଲାଗୁ ହେଇଛି । ୟୁକ୍ରେନ ଏହି କ୍ଷେପଣାସ୍ତ୍ରଗୁଡ଼ିକୁ କେବଳ ଏହାର ସୀମା ମଧ୍ୟରେ ବ୍ୟବହାର କରିପାରିବ। ଏସବୁ ମଧ୍ୟରେ ୟୁକ୍ରେନ ରୁଷର ଟାର୍ଗେଟ ବିରୁଦ୍ଧରେ ଏହି କ୍ଷେପଣାସ୍ତ୍ର ବ୍ୟବହାର କରିବାକୁ ଆମେରିକା ଏବଂ ବ୍ରିଟେନ ଠାରୁ ଅନୁମତି ଲୋଡିଛି।

କ୍ଷେପଣାସ୍ତ୍ରର ମୂଲ୍ୟ କେତେ ?

ଏହି କ୍ଷେପଣାସ୍ତ୍ରର ମୂଲ୍ୟ ମଧ୍ୟ ଅଧିକ, ଯାହା ପ୍ରାୟ ୧ ମିଲିୟନ୍ ଡଲାର ଅର୍ଥାତ୍ ୮ କୋଟି ୩୨ ଲକ୍ଷ ଟଙ୍କା  । ତେଣୁ ଶତ୍ରୁକୁ ଦ୍ୱନ୍ଦରେ ପକାଇବା ପାଇଁ ସେମାନେ ପ୍ରାୟତଃ ଡ୍ରୋନ୍ ସାହାଯ୍ୟରେ ଏହାକୁ ବ୍ୟବହୃତ କରନ୍ତି  ।

ୟୁକ୍ରେନ କାହିଁକି କ୍ଷେପଣାସ୍ତ୍ର ଦାବି କରୁଛି ?

ୟୁକ୍ରେନ ଏବଂ ରୁଷିଆ ମଧ୍ୟରେ ଯୁଦ୍ଧ ଲାଗି ରହିଛି । ଏହି ପରିପ୍ରେକ୍ଷୀରେ, ୟୁକ୍ରେନର ଯୁକ୍ତି ହେଉଛି ଯେ ରୁଷ ଆକ୍ରମଣର ଜବାବ ସେ ସେତିକି ଆକ୍ରାମଣାତ୍ମକ ଦେଇପାରୁନାହିଁ । ତେଣୁ ପ୍ରତିଶୋଧ ନେବା ପାଇଁ ରୁଷର ଟାର୍ଗେଟ ଉପରେ ଆକ୍ରମଣ କରିବା ନିହାତି ଜରୁରୀ ହେଇପଡିଛି । ଏହାସହିତ ୟୁକ୍ରେନ ଏହା ମଧ୍ୟ କହିଛି ଯେ,  ରୁଷ ପାଖରେ ଦୂରଗାମୀ ଡ୍ରୋନ୍ ଥିବାବେଳେ ୟୁକ୍ରେନ କ୍ଷେପଣାସ୍ତ୍ର ନଜରରେ ପଡିଯାଇଥାଏ । ସେଥିପାଇଁ ଷ୍ଟର୍ମ ଛାୟା କ୍ଷେପଣାସ୍ତ୍ର ଏବଂ ଆମେରିକାର ATACMS କ୍ଷେପଣାସ୍ତ୍ର ରୁଷିଆ ଆକ୍ରମଣରୁ ରୋକିବାରେ ସାହାଯ୍ୟ କରିବ।

ଆମେରିକା ଏବଂ ବ୍ରିଟେନ କାହିଁକି ଅନୁମତି ଦେଉନାହାଁନ୍ତି ?

ୟୁକ୍ରେନ ଏବଂ ରୁଷ ମଧ୍ୟରେ ବଢୁଥିବା ତିକ୍ତତାକୁ ନେଇ ଆମେରିକା ଓ ବ୍ରିଟେନ ଚିନ୍ତିତ ଅଛନ୍ତି । ସେଥିପାଇଁ ଯୁଦ୍ଧକୁ ଆହୁରି ଭୟାନକ ନକରିବା ପାଇଁ ସେମାନେ ଏଭଳି ନିଷ୍ପତ୍ତି ନେଇଛନ୍ତି । ଯଦି ୟୁକ୍ରେନ ରୁଷିଆ ଉପରେ ଏହା ନିକ୍ଷେପ କରିବ ତାହେଲେ ରୁଷ ମଧ୍ୟ ଆହୁରି ଆକ୍ରମଣାତ୍ମକ ହେଇଯିବ ଯାହା ବିଶ୍ବ ପାଇଁ ବିପଦ ।