ବିର୍ଲା ଆଇନ୍ ସ୍କୁଲରେ ପ୍ରଥମ ରାଜ୍ୟ ସ୍ତରୀୟ ମେଡିଟେସନ୍ ପ୍ରତିଯୋଗିତା ଉଦଯାପିତ

ଭୁବନେଶ୍ୱର: ବିର୍ଲା ଆଇନ୍ ସ୍କୁଲରେ ପ୍ରଥମ ରାଜ୍ୟ ସ୍ତରୀୟ ମେଡିଟେସନ୍ ପ୍ରତିଯୋଗିତା ଉଦଯାପିତ । ସ୍ଥାନୀୟ ବିର୍ଲା ଆଇନ୍ ସ୍କୁଲରେ ଚାଲିଥିବା ଦୁଇ ଦିନିଆ ମେଡିଟେସନ୍ ପ୍ରତିଯୋଗିତା ଆଜି ଶେଷ ହୋଇଛି । ଗୁରୁବାର ଦିନ ଏହି ପ୍ରତିଯୋଗିତାକୁ ବିର୍ଲା ଗ୍ଲୋବାଲ ବିଶ୍ଵ ବିଦ୍ୟାଳୟର କୁଳପତି ପ୍ରଫେସର  ପି. ପି. ମାଥୁର ଉଦଘାଟନ କରି ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ । ବିଶ୍ଵବିଦ୍ୟାଳୟର କୁଳସଚିବ ପ୍ରଫେସର ବି. କେ. ଦାସ ମେଡିଟେସନର ଉପକାରିତା ସମ୍ପର୍କରେ ଆଲୋଚନା କରିବା ସହିତ ଏହା ଆପୋଷ ବୁଝାମଣାରେ କିପରି ସହାୟକ ହୋଇପାରିବ ସେ ବିଷୟରେ ଅଧିକ ସୂଚନା ଦେଇଥିଲେ । ଲ’ ସ୍କୁଲର ଡିନ ପ୍ରଫେସର ସୁକାନ୍ତ କୁମାର ନନ୍ଦ ସ୍ଵାଗତ ଭାଷଣ ପ୍ରଦାନ କରିବା ସହିତ ପ୍ରତିଯୋଗିତାର ମୁଖ୍ୟ ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ ।

ପ୍ରଥମ ଦିବସରେ ପ୍ରାଥମିକ ପର୍ଯ୍ୟାୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଆଜି ଦ୍ଵିତୀୟ ଦିବସରେ ସେମି ଫାଇନାଲ ଏବଂ ଫାଇନାଲ ପର୍ଯ୍ୟାୟ ଅନୁଷ୍ଠିତ ହୋଇଛି । ଏହି ପ୍ରତିଯୋଗିତାରେ କଟକ ସ୍ଥିତ ଜାତୀୟ ଆଇନ ବିଶ୍ଵବିଦ୍ୟାଳୟ  ବିଜୟୀ ହୋଇଥିଲେ ଏବଂ ଶିକ୍ଷା ଓ ଅନୁସନ୍ଧାନ ବିଶ୍ଵବିଦ୍ୟାଳୟ ଦ୍ଵିତୀୟ ସ୍ଥାନ ଅଧିକାର କରିଥିଲା ।

ବିଶ୍ଵବିଦ୍ୟାଳୟର କୁଳସଚିବ, ସରୋଦ ବନ୍ଦରର ଆରବିଟ୍ରେଟର ଅଶୋକ କୁମାର ମହାପାତ୍ର ଏବଂ ସ୍କୁଲର ଡିନ ପ୍ରଫେସର ସୁକାନ୍ତ କୁମାର ନନ୍ଦ ବିଜୟୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମରେ ସ୍କୁଲର ଅଧ୍ୟାପକ ମଣ୍ଡଳୀ ଏବଂ ଛାତ୍ରଛାତ୍ରୀ ମାନେ ସହଯୋଗ କରିଥିଲେ ।