କୁଆଡେ ଗଲେ ଲୋକୋ ପାଇଲଟ ରଙ୍ଗ ବାହାଦୂର ସିଂ? ଦୁଇ ଦିନରୁ ମିଳୁନି ପତ୍ତା
1 min read
ଟିଟିଲାଗଡ: ଦୁଇ ଦିନ ହେଲାଣି ଟ୍ରେନ ଡ୍ରାଇଭର ରଙ୍ଗ ବାହାଦୁର ସିଂହଙ୍କ ପତ୍ତା ନାହିଁ। ଗତ ବୁଧବାର ସେ ଟିଟିଲାଗଡ଼ରୁ କଣ୍ଟାବାଞ୍ଜି ଯିବା ପାଇଁ ଏକ ପ୍ୟାସେଞ୍ଜର ଟ୍ରେନରେ ଚଢ଼ିଥିଲେ। କଣ୍ଟାବାଞ୍ଜିରୁ ଗୋଟିଏ ମାଲଗାଡ଼ି ନେବାର ଥିଲା। କିନ୍ତୁ ଅଭିଯୋଗ ଅନୁସାରେ ରଙ୍ଗ ବାହାଦୁର କାର୍ଯ୍ୟରେ ଯୋଗ ଦେଇନଥିଲେ।
ବହୁତ ସମୟ ପର୍ଯ୍ୟନ୍ତ ଅଫିସକୁ ନ ଆସିବାରୁ ରଙ୍ଗ ବାହାଦୁରଙ୍କୁ ଯୋଗାଯୋଗ କରାଯାଇଥିଲା। କିନ୍ତୁ ତାହା ସମ୍ଭବ ହୋଇନଥିଲା। ଏହା ପରେ ପରିବାର ଲୋକଙ୍କୁ ଖବର ଦିଆଯାଇଥିଲା। ପରିବାର, ରେଳ ବିଭାଗ କି ସହକର୍ମୀ କାହା ପାଖରେ ଖବର ନାହିଁ, କୁଆଡ଼େ ଗଲେ ରଙ୍ଗ ବାହାଦୁର।
ପ୍ରକୃତରେ ସେ କଣ୍ଟାବାଞ୍ଜିରେ ପହଞ୍ଚିଛନ୍ତି କି ନାହିଁ, ତାହା ମଧ୍ୟ ଏବେ ସନ୍ଦେହ ଘେରରେ। ଟିିଟିଲାଗଡ଼ RPF ଏକ ମାମଲା ରୁଜୁ କରି ତଦନ୍ତ କରୁଛି। ପରିବାର ଲୋକେ ଅଭିଯୋଗ କରିଛନ୍ତି, ରଙ୍ଗବାହାଦୁରଙ୍କୁ ଅପହରଣ କରାଯାଇଛି। ଜମି ବିବାଦ ପାଇଁ ତାଙ୍କୁ ଅପହରଣ କରାଯାଇଛି ବୋଲି ତାଙ୍କ ପତ୍ନୀ ଅଭିଯୋଗ କରିଛନ୍ତି।
