କେଉଁଠି ଜୀବନ ନେଇଗଲା ବିଦ୍ୟୁତ ତାର କେଉଁଠି ଜୀବନ ନେଲା ହାତୀ

ରାୟଗଡ଼ା: ଗୁଣୁପୁରରେ ହାତୀ ମୃତ । ଫୁଲପୁଟି ସାନ ନଦୀ ବ୍ରିଜ୍ ନିକଟରୁ ହାତୀର ମୃତଦେହ ଠାବ ହୋଇଛି । ବିଦ୍ୟୁତ୍ ଖୁଣ୍ଟ ପାଖରେ ହାତୀଟିର ମୃତଦେହ ପଡ଼ିରହିଛି । ହାତୀ ମୃତ୍ୟୁର କାରଣ ଅଷ୍ପଷ୍ଟ ରହିଥିବାବେଳେ ବିଦ୍ଯୁତ ଆଘାତରୁ ଅଘଟଣ ଘଟିଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ବନ ବିଭାଗ ପହଞ୍ଚି ତଦନ୍ତ ଜାରି ରଖିଛି ।

ସ୍ଥାନୀୟ ଲୋକଙ୍କ କହିବା ଅନୁସାରେ, ୩ରୁ ୪ଦିନ ପୂର୍ବରୁ ସ୍ଥାନୀୟ ଅଞ୍ଚଳରେ ୨ଟି ହାତୀ ବୁଲୁଥିଲେ । ବିଭିନ୍ନ ସ୍ଥାନରେ ଫସଲ ନଷ୍ଟ କରୁଥିଲେ । ଗତକାଲି ରାତିରେ ମଧ୍ଯ ହାତୀ ଦୁଇଟି ଖାଦ୍ଯ ସନ୍ଧାନରେ ଗାଁରେ ବଲୁଥିଲେ । ଏହି ସମୟରେ ବିଦ୍ଯୁତ ଆଘାତ ଲାଗି ଗୋଟିଏ ହାତୀର ମୃତ୍ଯୁ ହୋଇଥିବା ସନ୍ଦେହ କରାଯାଉଛି ।

ସେପଟେ ହାତୀ ଘଉଡାଇବା ହେଲା କାଳ। ବଣାଇ ବନବିଭାଗ ସହ ହାତୀ ଘଉଡାଇବା ବେଳେ ଜଣେ ମୃତ। ମୁଣ୍ଡା ବସ୍ତିର ଗୋବିନ୍ଦ ମୁଣ୍ଡା ହାତୀ ଆକ୍ରମଣରେ ପ୍ରାଣ ହରାଇଛନ୍ତି। ବଣାଇ ବନାଞ୍ଚଳ ସରସରାର କୁଲୁକୁତାରେ ଅଘଟଣ। କୁଲୁକୁତା ମୁଣ୍ଡା ବସ୍ତି ନିକଟରେ ହାତୀ ଉପଦ୍ରବ ଦେଖିବାକୁ ମିଳିଥିଲା। ଗୋବିନ୍ଦ ମୁଣ୍ଡା ବନବିଭାଗ ସହ ହାତୀ ଘଉଡାଇବାକୁ ବାହାରିଥିଲେ। ହାତୀ ଘଉଡାଇବା ବେଳେ ହାତୀ ଆକ୍ରମଣ କରିଥିଲା।

ଘଟଣାସ୍ଥଳରେ ବନବିଭାଗ ଉପସ୍ଥିତ ରହିଛି। ମୃତଦେହ ଉଦ୍ଧାର କରି ବଣାଇ ଉପଖଣ୍ଡ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଯାଇଛି। ଏନେଇ ଗାଁରେ ଉତ୍ତେଜନା ଦେଖାଦେଇଛି l