ଭୁବନେଶ୍ବରରେ ଗାଡ଼ି ସାଇଡମରାକୁ କେନ୍ଦ୍ର କରି ଛୁରାମାଡ଼

ନନ୍ଦିଘୋଷ ବ୍ୟୁରୋ: ଭୁବନେଶ୍ବରରେ ଗାଡ଼ି ସାଇଡମରାକୁ କେନ୍ଦ୍ର କରି ଛୁରା ମାଡ଼ । ସହିଦ ନଗର ମହର୍ଷି କଲେଜ ରୋଡରେ ବାଇକ ଚାଳକଙ୍କୁ ଦୁଇ ଯୁବକ ଛୁରାମାଡ଼ କରିଛନ୍ତି । ଆହତ ଯୁବକ ହେଲେ ସୂର୍ଯ୍ଯନଗର ଅଞ୍ଚଳର ଏନ୍ କାର୍ତ୍ତିକ । ଅଭିଯୋଗ ଅନୁସାରେ ମହର୍ଷି କଲେଜ ଅଞ୍ଚଳରେ ଯିବା ସମୟରେ କାରରେ ଯାଉଥିବା ଦୁଇ ଯୁବକଙ୍କ ସହ ଗାଡ଼ି ସାଇଡ ମରାକୁ ନେଇ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ବାଇକ ଚାଳକଙ୍କ ଛାତିକୁ ଦୁଇ ଯୁବକ ଛୁରା ମାଡ଼ କରିଥଇଲେ । କାର୍ତ୍ତିକଙ୍କ ଦୁଇ ହାତରେ ଗଭୀର କ୍ଷତ ହୋଇଛି । ଘଟଣାସ୍ଥଳରେ ସହିଦ ନଗର ଥାନା ପୋଲିସ ପହଞ୍ଚି ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି । ଆକ୍ରମଣ କରିଥିବା ଯୁବକ ପୁରୀ ଅଞ୍ଚଳର ହୋଇଥିବା ସୂଚନା ମିଳିଛି । ଅଭିଯୁକ୍ତମାନେ ଛୁରୀ ଫୋପାଡ଼ି ଫେରାର ହୋଇଯାଇଛନ୍ତି । ପୋଲିସ ମାମଲା ରୁଜୁ କରି ତଦନ୍ତ ଜାରି ରଖିଛି ।