ଦଳରେ ମିଳିଥିଲା ସ୍ଥାନ କିନ୍ତୁ ଅଣ୍ଡର-୧୯ ବିଶ୍ବକପ ଖେଳିପାରିବେନି ରାହୁଲ ଦ୍ରାବିଡଙ୍କ ପୁଅ

ନନ୍ଦିଘୋଷ ବ୍ୟୁରୋ: ଅଣ୍ଡର-୧୯ ବିଶ୍ବକପ ପାଇଁ ଭାରତୀୟ ଦଳ ଘୋଷଣା ହୋଇଥିବାବେଳେ ଦଳରେ ସ୍ଥାନ ପାଇଥିଲେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ରାହୁଲ ଦ୍ରାବିଡଙ୍କ ପୁଅ ସମିତ । ଯାହାକୁ ନେଇ ଭାରତୀୟ କ୍ରୀଡ଼ାପ୍ରେମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା । କିନ୍ତୁ ଦଳରେ ସ୍ଥାନ ପାଇଥିବା ସତ୍ତ୍ବେ ଖେଳିବାର ସୁଯୋଗ ପାଇବେନି ସମିତ । କାରଣ ୨୦୨୬ରେ ଖେଳାଯିବାକୁ ଥିବା ଏହି ଟୁର୍ଣ୍ଣାମେଣ୍ଟ ବେଳକୁ ସମିତ ୨୦ ବର୍ଷ ବୟସ୍କ ହୋଇଥିବେ । ଏଣୁ ସେ ଖେଳିବାର ସୁଯୋଗ ପାଇବେ ନାହିଁ । ଜଣେ ଅଲରାଉଣ୍ଡରଭାବେ ତାଙ୍କ ଦଳରେ ସାମିଲ କରାଯାଇଥିଲା । ସେ ବ୍ୟାଟିଂ ସାଙ୍ଗକୁ ମିଡିୟମ ଗତିରେ ମଧ୍ୟ ବୋଲିଂ କରିବାର ଦକ୍ଷତା ରଖିଥିଲେ । ମାତ୍ର ୨ ମାସ ଅଧିକ ବୟସ ହୋଇଥିବାରୁ ଟୁର୍ଣ୍ଣାମେଣ୍ଟରୁ ସେ ଓହରିବେ । କର୍ଣ୍ଣାଟକ ୨୦୨୩-୨୪ ଅଣ୍ଡର-୧୯ କୁଚ ବିହାର ଟ୍ରଫି ଜିତିଥିଲା । ଏହି ଦଳର ସଦସ୍ୟ ରହିଥିଲେ ସମିତ । ତାଙ୍କ ପ୍ରଦର୍ଶନକୁ ଦେଖି ଭାରତୀୟ ଅଣ୍ଡର-୧୯ ଦଳରେ ସ୍ଥାନ ମିଳିଥିଲା । କିନ୍ତୁ ସେ ଖେଳିବାର ସୁଯୋଗ ପାଇବେ ନାହିଁ ।