ପ୍ୟାରିସ ଅଲିମ୍ପିକ୍ସ ସେମିରେ ଭାରତୀୟ ହକି ଦଳ, ଜର୍ମାନୀ ସହ ହେବ ମୁକାବିଲା

ନନ୍ଦିଘୋଷ ବ୍ୟୁରୋ : ଆଜି ପ୍ଯାରିସ ଅଲିମ୍ପିକ୍ସରେ ଭାରତୀୟ ହକି ପାଇଁ ସୁଯୋଗ। ସେମିରେ ଜର୍ମାନୀ ସହ ହେବ ମୁକାବିଲା। ଭାରତୀୟ ସମୟ ରାତି ସାଢେ ୧୦ଟାରେ ଆରମ୍ଭ ହେବ ଏହି ମ୍ଯାଚ୍। ଭାରତ ଲଗାତାର ଜବରଦସ୍ତ ଖେଳ ପ୍ରଦର୍ଶନ କରି ଆସୁଛି। ଅଷ୍ଟ୍ରେଲିଆ ଓ ଗ୍ରେଟ ବ୍ରିଟେନକୁ ପରାସ୍ତ କରିବାପରେ ଭାରତର ମନୋବଳ ଦୃଢ ରହିଛି। ଆଜିର ମ୍ୟାଚ ଜିତି ଫାଇନାଲ ଟିକେଟ ହାତେଇବାକୁ ପୁରା ଦମ ଲଗାଇ ଦେବ ଟିମ ଇଣ୍ଡିଆ। ପାଇନାଲକୁ ପ୍ରବେଶ କରି ପଦକ ପକ୍କା କରିବାକୁ ଚେଷ୍ଟା କରିବ ଭାରତ। କ୍ବାର୍ଟରରେ ଗ୍ରେଟ ବ୍ରିଟେନକୁ ହରାଇଥିଲା ଟିମ୍ ଇଣ୍ଡିଆ। ପ୍ଯାନେଲ୍ଟି ସୁଟଆଉଟରେ ୪-୨ ଗୋଲରେ ବିଜୟୀ ହୋଇଥିଲା।   ଗତଥର ମଧ୍ଯ ଭାରତ ଜିତି ସେମିଫାଇନାଲରେ ପ୍ରବେଶ କରିଥିଲା । ଗତ ଅଲିମ୍ପିକ୍ସରେ ଭାରତ ବ୍ରୋଞ୍ଜ ପଦକ ହାସଲ କରିଥିଲା । ୪୧ ବର୍ଷ ପରେ ଭାରତ ଟୋକିଓ ଅଲିମ୍ପିକ୍ସରେ ଏହି ପଦକ ହାସଲ କରିଥିଲା ।