ଘାଟିକିଆ ହତ୍ୟା: ମୃତ ସରସ୍ବତୀଙ୍କ ଭାଇ କହିଲେ- ବିଳମ୍ବ ହେଲେ ବି ଭଉଣୀକୁ ନ୍ୟାୟ ମିଳିଲା

ଭୁବନେଶ୍ବର: ବିଳମ୍ବରେ ହେଲେ ବି ଭଉଣୀଙ୍କୁ ମିଳିଲା ନ୍ୟାୟ । ଭୁବନେଶ୍ଵର ଘାଟିକିଆ ସରସ୍ଵତୀ ହତ୍ୟା ଘଟଣାରେ ଦୋଷୀ ସ୍ଵାମୀ ସଞ୍ଜିତ ଦାସଙ୍କୁ ଫାଶୀ ଦଣ୍ଡାଦେଶ ପରେ ଏମିତି କହିଛନ୍ତି ତାଙ୍କ ଭାଇ । ତେବେ ଘରେ ଥିବା ଦୁଇ ନିଷ୍ପାପ ଭାଣିଜୀଙ୍କ କଥା କହି ଭାଙ୍ଗି ପଡିଛନ୍ତି ସରସ୍ବତୀଙ୍କ ଭାଇ ।

ମାମଲାକୁ ବିରଳରୁ ଅତି ବିରଳ ବିବେଚନା କରି ଦୋଷୀ ସଞ୍ଜିତ ଦାସକୁ ଫାଶୀ ଦଣ୍ଡ ଶୁଣାଇଛନ୍ତି କୋର୍ଟ । ୨୦୨୨ ଜୁନ ୯ ତାରିଖରେ ଖଣ୍ଡଗିରି ଥାନା ଅନ୍ତର୍ଗତ ଘାଟିକିଆରେ ପତ୍ନୀଙ୍କୁ ଅତି ବୀଭତ୍ସ ଭାବେ ହତ୍ୟା କରିଥିଲା ସଞ୍ଜିତ । ସେ ସରସ୍ବତୀଙ୍କୁ ୩୩ ଥର ଛୁରୀ ଭୁସି ହତ୍ୟା କରିଥିଲା । ଏପରିକି ୬ ବର୍ଷର ଝିଅକୁ ବି ଛାଡି ନଥିଲା । ମାମଲାରେ ୧୫ ଜଣ ସାକ୍ଷୀ, ସାଇଣ୍ଟିଫିକ ଏଭିଡ଼େନ୍ସ, ଫିଙ୍ଗର ପ୍ରିଣ୍ଟ ଓ ୧୮ଟି ଦସ୍ତାବିଜକୁ ନେଇ ଦଣ୍ଡବିଧାନ ହୋଇଛି । ଘଟଣାକୁ ନେଇ ପଡୋଶୀ କହିଛନ୍ତି ନିଶା ପାଇଁ ଏକ ପ୍ରତିଷ୍ଠିତ ପରିବାର ଛାରଖାର ହୋଇଗଲା