ସନ୍ଦିଗ୍ଧ ଆତଙ୍କବାଦୀଙ୍କ ଅନୁପ୍ରେବଶ ନେଇ ଜାମ୍ମୁ ଓ କାଶ୍ମୀରରେ ଆଲର୍ଟ
1 min read
ନନ୍ଦିଘୋଷ ବ୍ୟୁରୋ: ଜାମ୍ମୁ ଓ କାଶ୍ମୀରରେ ବଡଧରଣର ସର୍ଚ୍ଚ ଅପରେସନ। ସନ୍ଦିଗ୍ଧ ଆତଙ୍କବାଦୀଙ୍କ ଅନୁପ୍ରେବଶ ନେଇ ଜାମ୍ମୁ ଓ କାଶ୍ମୀରରେ ଆଲର୍ଟ। ରିଆସିର ବାଦୋଆ ସମେତ ବିଭିନ୍ନ ସ୍ଥାନରେ ପୋଲିସ ଓ ସିଆରପିଏଫର ବ୍ଯାପକ ସର୍ଚ୍ଚ ଅପରେସନ ଜାରି ରହିଛି। ଗତ ଦୁଇ ମାସରେ ବଢିଛି ଅନୁପ୍ରବେଶ। ସହିଦ ହେଲେଣି ଅନେକ ଯବାନ।
ସପେଟେ ଡୋଡା ଜିଲ୍ଲାରେ ହୋଇଥିବା ଆତଙ୍କୀ ହମଲାରେ ସମ୍ପୃକ୍ତ ଥିବା ୩ ଜଣ ଆତଙ୍କବାଦୀଙ୍କ ସ୍କେଚ ଜାରି କରିଛି ପୋଲିସ। ଏହି ଘଟଣାରେ ଜଣେ କ୍ଯାପଟେନ ସମେତ ୪ ଜଣ ସହିଦ ହୋଇଥିଲେ। ଆତଙ୍କବାଦୀଙ୍କ ଧରିବା ଲାଗି ୫ ଲକ୍ଷ ଲେଖାଏଁ ଟଙ୍କାର ପୁରସ୍କାର ରାଶି ଘୋଷଣା କରାଯାଇଛି।
କିଛି ମାସ ହେଲା ଜାମ୍ମୁ କାଶ୍ମୀରେ ବଢ଼ିଛି ଆତଙ୍କବାଦୀଙ୍କ କାର୍ଯ୍ଯକଳାପ। ବିଶେଷ କରି ଜମ୍ମୁକୁ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ନିଜର ଟାର୍ଗେଟ କରିଥିବା ଜଣାପଡିଛି। କାରଣ ଏହି ଅଞ୍ଚଳରେ ବଢିଛି ଆତଙ୍କବାଦୀ କାର୍ଯ୍ଯକଳାପ। କାଶ୍ମୀର ନୁହେଁ, ଜାମ୍ମୁ ଅଞ୍ଚଳକୁ ଟାର୍ଗେଟ କଲେଣି ଆତଙ୍କବାଦୀ। ୨୦୨୪ରେ ଏହି ଅଞ୍ଚଳରେ ୨୪ ଜଣଙ୍କୁ ଆତଙ୍କବାଦୀମାନେ ହତ୍ଯା କଲେଣି। ସେମାନଙ୍କ ଆକ୍ରମଣରେ ୫୫ ଜଣ ଆହତ ହୋଇଛନ୍ତି।
ସେପଟେ ସୁରକ୍ଷାକର୍ମୀଙ୍କ ପାଲଟା କାର୍ଯ୍ଯାନୁଷ୍ଠାନରେ ୫ ଆତଙ୍କବାଦୀ ନିହତ ହୋଇଛନ୍ତି। ଆତଙ୍କବାଦୀଙ୍କ ସଂଖ୍ଯା କମିଛି କିନ୍ତୁ ଆକ୍ରମଣ ସଂଖ୍ଯା ବଢ଼ି ଥିବାରୁ ସୁରକ୍ଷାକର୍ମୀ ସଂସ୍ଥାଗୁଡ଼ିକର ଚିନ୍ତା ବଢିଛି। ବିଦେଶୀ ଆତଙ୍କବାଦୀ ମଧ୍ଯ ସକ୍ରିୟ ଅଛନ୍ତି। ଲୋକଙ୍କ ମଧ୍ଯରେ ବିଭେଦ ସୃଷ୍ଟି କରିବା ଟାର୍ଗେଟ ନେଇ ଲୋକଙ୍କୁ ହତ୍ଯା କରୁଛନ୍ତି। ବିଶେଷଜ୍ଞ କହିଛନ୍ତି-୮୦ ଦଶକର ଶେଷ ଭାଗରେ କାଶ୍ମୀରରେ ପ୍ରଥମେ ଏଭଳି ସ୍ଥିତି ଦେଖାଯାଇଥିଲା। ପରେ ତାହା ଗୁରୁତର ରୂପ ଧାରଣା କରିଥିଲା। ଯଦିଓ ସ୍ଥିତିରେ ସୁଧାର ଆସିଛି, ଜାମ୍ମୁ ଅଞ୍ଚଳ ଯେମିତି କାଶ୍ମୀର ନପାଲଟେ, ସେଥିପାଇଁ ରଣନୀତି ପରିବର୍ତ୍ତନ କରିବାକୁ ସେମାନେ ପରାମର୍ଶ ଦେଇଛନ୍ତି।
