ଆଜିଠୁ ବିଧାନସଭାର ବଜେଟ ଅଧିବେଶନ
1 min read
ଭୁବନେଶ୍ୱର : ଆଜିଠୁ ବିଧାନସଭାର ବଜେଟ ଅଧିବେଶନ । ରାଜ୍ଯରେ ନୂଆ ସରକାର ଆଣିବେ ପ୍ରଥମ ବଜେଟ । ଅଧିବେଶନରେ ରହିଛି ମୋଟ ୨୭ଟି କାର୍ଯ୍ୟ ଦିବସ । ପ୍ରଥମ ଦିନରେ ରାଜ୍ୟପାଳଙ୍କ ଅଭିଭାଷଣରୁ ଅଧିବେଶନ ଆରମ୍ଭ ହେବ। ରାଜ୍ୟପାଳଙ୍କ ଅଭିଭାଷଣ ପରେ ଶୋକ ପ୍ରସ୍ତାବ ଆଗତ କରାଯିବ। ଏହାପରେ ଗୃହକୁ ମୁଲତବି କରାଯିବ ।
ଆସନ୍ତା ୨୫ତାରିଖରେ ୨୦୨୪-୨୫ ଆର୍ଥିକ ବର୍ଷ ପାଇଁ ବଜେଟ ଗୃହରେ ଉପସ୍ଥାପନ ହେବ । ଏଥର ବି ବଜେଟ ଆକାର ବୃଦ୍ଧି ପାଇବ ଲମ୍ୱା ସମୟର ବଜେଟ ଅଧିବେଶନ ପାଇଁ ଉଭୟ ଶାସକ ଓ ବିରୋଧୀ ବିଧାୟକ ଦଳ ବୈଠକ କରି ରଣନୀତି ପ୍ରସ୍ତୁତ କରିଛନ୍ତି । ପ୍ରଥମ ଥର ପାଇଁ ବିଜେପି ଗୃହରେ ଶାସକ ଦଳ ଓ ବିଜେଡି ବିରୋଧୀ ଦଳର ଭୂମିକାରେ ଦେଖିବାକୁ ମିଳିବ । ବିରୋଧୀ ଭାବେ ସରକାରଙ୍କୁ ଘେରିବାକୁ ବିଜେଡି ସମ୍ପୂର୍ଣ୍ଣ ପ୍ରସ୍ତୁତ ହୋଇଛି । ଲୋକଙ୍କ ପାଇଁ ଲଢେଇ କରିବାକୁ ବିଜେଡି ବିଧାୟକଙ୍କୁ ବିରୋଧୀ ଦଳ ନେତା ନବୀନ ପଟ୍ଟନାୟକ ଆହ୍ବାନ ଦେଇଛନ୍ତି ।
