ଜାଣନ୍ତୁ କେଉଁ ଗାଁରେ ଦ୍ରୌପଦୀ ସାଜନ୍ତି ବିବାହିତ ମହିଳା
1 min read
ଡେରାଡୁନ: ଏମିତି ବି ଗାଁ ଅଛି ଯେଉଁଠି ବିବାହିତ ମହିଳା ଦ୍ରୌପଦୀ ସାଜିଥାଏ । ଯେଉଁଠି ଝିଅଟି ବିବାହ କରିବା ପରେ ସ୍ୱାମୀର ସମସ୍ତ ଭାଇଙ୍କୁ ବି ବିବାହ କରିବାକୁ ପଡ଼ିଥାଏ । କେବଳ ସେତିକି ନୁହେଁ ପରମ୍ପରା ଅନୁସାରେ ସ୍ୱାମୀର ସମସ୍ତ ଭାଇଙ୍କୁ ବିବାହ କରିବା ପରେ ମହିଳା ଜଣଙ୍କ ସମସ୍ତଙ୍କ ସହ ଶାରିରୀକ ସମ୍ପର୍କ ମଧ୍ୟ ରଖିଥାଏ । ଏବଂ ଏହି ପରମ୍ପରା ମହାଭାରତରୁ ଆସିଛି ବୋଲି ମଧ୍ୟ ସ୍ଥାନୀୟ ଲୋକେ ଦାବି କରିଛନ୍ତି । ସବୁଠାରୁ ବଡ଼କଥା ହେଉଛି ଯେତେବେଳେ ସନ୍ତାନ ଜନ୍ମ ହୁଏ ସେ ଜାଣିନଥାଏ ତାର ବାପା କିଏ ।
ଉତ୍ତର ଭାରତର ଡେରାଡୁନରେ ଥିବା ଏକ ଛୋଟିଆ ଗାଁରେ ରହିଛି କିଛି ଏଭଳି ପରମ୍ପରା । ଯେଉଁଠି ଝିଅଟି ସ୍ୱାମୀର ସମସ୍ତ ଭାଇମାନଙ୍କୁ ବିବାହ କରିଥାଏ । ଏଭଳି କରିବା ପାଇଁ ମହିଳାଙ୍କୁ ବାଧ୍ୟ କରାଯାଇଥାଏ । ଯଦି ମହିଳା ଏଭଳି କରିବାକୁ ଅନିଚ୍ଛାପ୍ରକାଶ କରେ ତେବେ ମଳିଳାଙ୍କୁ ଘରୁ ବାହାର କରି ଦିଆଯାଇଥାଏ । ବିଶ୍ୱାସ ରହିଛି ଏଭଳି କରିବା ଦ୍ୱାରା ଘରେ ସୁଖଶାନ୍ତି ରହିବା ସହ ଘରକୁ ଲକ୍ଷ୍ମୀର ପ୍ରବେଶ ହୋଇଥାଏ ।
ଏହି ପରମ୍ପରା ମହାଭାରତରୁ ଆସିଛି ବୋଲି ଗାଁରେ ଅନ୍ଧବିଶ୍ୱସ ରହିଛି । ଦ୍ରୌପଦୀ ଯେମିତି କୁନ୍ତିଙ୍କର ୫ ପୁଅଙ୍କୁ ବିବାହ କରି ସମସ୍ତ ଭାଇଙ୍କର ସ୍ତ୍ରୀ ହୋଇ ରହିଥିଲେ । ସେମିତି ଏହି ଗାଁରେ ମଧ୍ୟ ମହିଳାଙ୍କୁ ସ୍ୱାମୀର ସମସ୍ତ ଭାଇଙ୍କୁ ବିବାହ କରିବାର ପରମ୍ପରା ରହିଛି ।
ବିବାହ ପରେ ମହିଳା ଜଣଙ୍କ ସବୁ ରାତି ପ୍ରତ୍ୟେକ ସ୍ୱାମୀମାନଙ୍କ ସହ ଶାରିରୀକ ସମ୍ପର୍କ ରଖିଥାଏ । ସବୁଠାରୁ ବଡ କଥା ହେଉଛି ସନ୍ତାନ ଜନ୍ମ ହେବା ପରେ ତାର ବାପା କିଏ ତାହା ନା ତା ମାଆ ଜଣିଥାଏ ନା ସେ ସନ୍ତାନ । ୨୦୦୯ ରେ ରଜୋ ବର୍ମା(୨୪) ନାମକ ଏକ ମହିଳା ଗୁଡୁ ନାମକ ଏକ ପୁରୁଷ ସହ ବିବାହ କରିଥିଲେ । ପରମ୍ପରା ଅନୁସାରେ ତାର ବର୍ଷେ ପରେ ରଜୋ ବିବାହ କରିଥିଲେ ଗୁଡ଼ୁଙ୍କ ଭାଇଙ୍କୁ ।
ଏହି ଭଳି ଭାବରେ ରଜୋ ଗୋଟିଏ ପରେ ଗୋଟିଏ ୬ ଜଣ ଭାଇଙ୍କୁ ବିବାହ କରିଥିଲେ । ପ୍ରତ୍ୟେକ ରାତିରେ ମହିଳା ଜଣଙ୍କ ଭିନ୍ନ ଭିନ୍ନ ସ୍ୱାମିଙ୍କ ସହ ସମ୍ପର୍କ ରଖିଥାନ୍ତି । ଏହି ଗାଁରେ ଶିକ୍ଷା ଅଭାବରୁ DNA ଟେଷ୍ଟ କରିବା ବି ଜାଣନ୍ତି ନାହିଁ ।
ଏଠାରେ ପରମ୍ପରାର ଅନ୍ଧବିଶ୍ୱସର ଶିକାର ହୋଇଥାନ୍ତି ପ୍ରତ୍ୟେକ ମହିଳା । ମନ ଓ ଦେହର କଷ୍ଟକୁ ଅଣ୍ଟିରେ ଧରି ବୁଲେ ସ୍ତ୍ରୀ । ମହାଭାରତର ଏଭଳି ନିୟମକୁ ମନେ ମନେ କୋଷେ । ଏହା କେବଳ ଶିକ୍ଷାର ଅଭାବ ଛଡ଼ା ଆଉ କିଛି ନୁହେଁ ।
