ନୂଆଦିଲ୍ଲୀ: ଲୋକସଭା ବାଚସ୍ପତି ପାଇଁ ହୋଇପାରିଲା ନାହିଁ ସହମତି। ୧୯୪୬ ପରେ ପ୍ରଥମ ଥର ପାଇଁ ହେବ ନିର୍ବାଚନ। ମଇଦାନରେ ଏନଡିଏ ପ୍ରାର୍ଥୀ ଓମ୍ ବିର୍ଲା ଓ ଇଣ୍ଡିଆ ପ୍ରାର୍ଥୀ କେ ସୁରେଶ। କେ ସୁରେଶ ଏଥର ଅଷ୍ଟମ ଥର ସାଂସଦ ଭାବେ କଂଗ୍ରେସ ତରଫରୁ ଲୋକସଭାକୁ ନିର୍ବାଚିତ ହୋଇ ଆସିଛନ୍ତି।
ସହମତି ସୃଷ୍ଟି କରିବା ପାଇଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ସଂସଦୀୟ ବ୍ଯାପାର ମନ୍ତ୍ରୀ କିରଣ ରିଜିଜୁଙ୍କୁ ଏନଡିଏ ତରଫରୁ ଦାୟିତ୍ଵ ଦିଆଯାଇଥିଲା। ବିରୋଧୀ ପକ୍ଷ ଓମ୍ ବିର୍ଲାଙ୍କୁ ବାଚସ୍ପତି ଭାବେ ଗ୍ରହଣ କରିବାକୁ ପ୍ରସ୍ତୁତ ଥିଲେ। କିନ୍ତୁ ତା ବଦଳରେ ପାରମ୍ପରିକ ଭାବେ ଉପବାଚସ୍ପତି ବିରୋଧୀଙ୍କ ମଧ୍ଯରୁ ଜଣକୁ କରାଯାଉ ବୋଲି ଦାବି କରିଥିଲା।
କିନ୍ତୁ ଶେଷ ପର୍ଯ୍ଯନ୍ତ ଏନଡିଏ ତରଫରୁ ଏ ନେଇ କିଛି ସ୍ପଷ୍ଟ କରାଯାଇନଥିଲା। ଶେଷରେ କେ ସୁରେଶ ବାଚସ୍ପତି ପଦ ପାଇଁ ନାମାଙ୍କନ ଦାଖଲ କରିଛନ୍ତି ।
