ସ୍ବାଭାବିକ ହେଉଛି ବାଲେଶ୍ବର, ୮ଦିନ ପରେ ଲୋକ ପାଇବେ ଇଣ୍ଟରନେଟ

ବାଲେଶ୍ୱର : ସ୍ବାଭାବିକ ହେଉଛି ବାଲେଶ୍ବର । ୮ଦିନ ପରେ ଲୋକ ପାଇବେ ଇଣ୍ଟରନେଟ । ଆଜିଠୁ ବାଲେଶ୍ବର ସହରରେ ମିଳିବ ମୋବାଇଲ ଇଣ୍ଟରନେଟ୍ । ଏହାସହ ଖୋଲିବ ସ୍କୁଲ, କଲେଜ ଓ ଅଙ୍ଗନବାଡ଼ି । ସକାଳୁଆ ସ୍କୁଲ, କଲେଜ, ଅଙ୍ଗନବାଡ଼ି କେନ୍ଦ୍ର ଖୋଲିବାକୁ ଜିଲ୍ଲା ପ୍ରଶାସନର ଘୋଷଣା କରିଛି । ତେବେ ଶିଳ୍ପାଞ୍ଚଳରୁ କର୍ଫ୍ଯୁ ସମ୍ପୂର୍ଣ୍ଣ ଭାବେ ହଟିଥିବାବେଳେ ସହଦେବଖୁଣ୍ଟା ଥାନା ଅଞ୍ଚଳରେ ସକାଳ ୫ ଟାରୁ ୯ ଟା ମଧ୍ଯରେ କୋହଳ ହେବ କଟକଣା ।

ଟାଉନ ଥାନା ଅଞ୍ଚଳରେ ସକାଳ ୫ଟାରୁ ଅପରାହ୍ନ ୨ ଟା ପର୍ଯ୍ୟନ୍ତ କର୍ଫ୍ୟୁ କୋହଳ କରାଯାଇଛି । ଗତ ସୋମବାର ଦୁଇ ଗୋଷ୍ଠୀ ମଧ୍ଯରେ ଗଣ୍ଡଗୋଳ ଯୋଗୁଁ ଲାଗୁ ହୋଇଥିଲା କର୍ଫ୍ଯୁ । ଘଟଣାରେ ୨୧ଟି ମାମଲା ରୁଜୁ ହୋଇଥିବାବେଳେ ବର୍ତ୍ତମାନ ସୁଦ୍ଧା ୮୯ ଜଣଙ୍କୁ ଗିରଫ କରାଯାଇଛି । ସାମାଜିକ ଗଣମାଧ୍ୟମରେ ଗୁଜବ ସୃଷ୍ଟି କରିଥିବା ବିଷୟରେ ଗୋଟିଏ ମାମଲା ରୁଜୁ ହୋଇଛି। କୌଣସି ଗୁଜବ ସୃଷ୍ଟିକଲେ ଦୃଢ କାର୍ଯ୍ଯାନୁଷ୍ଠାନ ନିଆଯିବ ବୋଲି ଆଜି ଜିଲ୍ଲାପାଳ ଆଶିଷ ଠାକରେ ଓ ଏସପି ସାଗରିକା ନାଥ ଚେତେଇ ଦେଇଛନ୍ତି ।