୭ଟି କେନ୍ଦ୍ରରେ ନିଟ୍ ୟୁଜି ପରୀକ୍ଷା ଦେଲେ ୧୫୬୩ ଛାତ୍ରଛାତ୍ରୀ

ନୂଆଦିଲ୍ଲୀ : ନିଟ ୟୁଜି ରିଟେଷ୍ଟ। ଏନଟିଏ ପରିଚାଳିତ ନିଟ ୟୁଜିର ରିଟେଷ୍ଟ ହୋଇଛି। ୫ ମେରେ ହୋଇଥିବା ପରୀକ୍ଷାରେ ଲସ୍ ଅଫ ଟାଇମ କାରଣରୁ ଯେଉଁ ୧୫୬୩ ପରୀକ୍ଷାର୍ଥୀଙ୍କୁ ଗ୍ରେସମାର୍କ ଦିଆଯାଇଥିଲା ସେମାନେ ଏହି ପରୀକ୍ଷା ଦେଇଛନ୍ତି । ସେମାନେ ୬ଟି ନୂଆ କେନ୍ଦ୍ର ସମେତ ମୋଟ ୭ଟି କେନ୍ଦ୍ରରେ ପରୀକ୍ଷା ଦେଇଛନ୍ତି । ସେଥିରେ ହରିଆଣାର ଝାଜର କେନ୍ଦ୍ର ବି ରହିଛି। ଚଣ୍ଡୀଗଡର ଗୋଟିଏ କେନ୍ଦ୍ରରେ ମାତ୍ର ୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି । ଏସବୁ ପରୀକ୍ଷା କେନ୍ଦ୍ରରେ ନ୍ଯାସନାଲ ଟେଷ୍ଟିଂ ଏଜେନ୍ସି ଓ ଶିକ୍ଷା ମନ୍ତ୍ରାଳୟର ପଦାଧିକାରୀମାନେ ଉପସ୍ଥିତ ରହିଛନ୍ତି ।

ଗତ ଜୁନ ୧୩ ତାରିଖରେ ସୁପ୍ରିମକୋର୍ଟ ନିକଟରେ ଏନଟିଏ ଦର୍ଶାଇଥିଲା- ଲସ୍ ଅଫ ଟାଇମ କାରଣରୁ ଯେଉଁ ୧୫୬୩ ଛାତ୍ରଛାତ୍ରୀଙ୍କୁ ଗ୍ରେସମାର୍କ ଦିଆଯାଇଥିଲା ତାହାକୁ ପ୍ରତ୍ୟାହାର କରି ନିଆଯାଇଛି । ଗତ ମେ ୫ ତାରିଖରେ ହୋଇଥିବା ନିଟ-ୟୁଜିର ଫଳ ପ୍ରକାଶ ଲାଗି ଜୁନ ୧୪ ଧାର୍ଯ୍ୟ ହୋଇଥିଲା । ମାତ୍ର ଏହା ପୂର୍ବରୁ ଅର୍ଥାତ ଜୁନ ୪ରେ ଫଳ ଘୋଷିତ ହୋଇଥିଲା । ପରୀକ୍ଷାର୍ଥୀଙ୍କ ମଧ୍ୟରୁ ୬୭ଜଣ ୭୨୦ରୁ ୭୨୦ ରଖିଥିବାରୁ ଏହାକୁ ନେଇ ସସପେନ୍ସ ସୃଷ୍ଟି ହୋଇଥିଲା । ସେପଟେ ନିଟ-ୟୁଜି ଅନିୟମିତତା ଘଟଣାର ତଦନ୍ତ ଭାର ସିବିଆଇ ହାତରେ ଅର୍ପଣ କରାଯାଇଛି । ସେପଟେ ନିଟ-ପିଜି ବାତିଲ ହେବା ପରେ ସାରା ଦେଶରେ ସୃଷ୍ଟିହୋଇଛି ଅସନ୍ତୋଷ।