କଟକ: ଓଡ଼ିଶା ଉଜ୍ଜ୍ୱଳା ଦିଦିଙ୍କୁ ବିଜେପି କରୁଛି ଅଣଦେଖା। ସାମ୍ୱାଦିକ ସମ୍ମିଳନୀ କରି ବିଜେପି ଉପରେ ବର୍ଷିଲେ ଉଜ୍ଜ୍ୱଳା ଦିଦି । ଓଡିଶା ଉଜ୍ଜ୍ୱଳା ଦିଦି ସଂଘର କଟକ ଶାଖା ପକ୍ଷରୁ ଗାନ୍ଧୀ ଭବନଠାରେ ସାମ୍ବାଦିକ ସମ୍ମିଳନୀ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଘେରିଛନ୍ତି। ଗତ ୨୦୧୯ ମସିହାରୁ ରାଜ୍ୟରେ ବିନା ପାଉଣାରେ କାମ କରିଆସୁଛନ୍ତି ୧୨ହଜାର ଉଜ୍ଜ୍ବଳା ଦିଦି। ବିନା ପାଉଣାରେ କାମ କରି ଆସୁଥିଲେ ସୁଦ୍ଧା ସେମାନଙ୍କୁ ହତାଦର କରାଯାଉଥିବାର ଅଭିଯୋଗ ହୋଇଛି।
ଦୀର୍ଘ ୪ ବର୍ଷ ହେବ ଉଜ୍ଜ୍ୱଳା ଦିଦି ସବୁ କାମ କରି ଆସୁଥିଲେ ସୁଦ୍ଧା ତାଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭଡାଟିଆ ବୋଲି କହିବା ଦୁର୍ଭାଗ୍ୟଜନକ ବୋଲି ଉଜ୍ବଳା ଦିଦି କହିଛନ୍ତି। ଏହାସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ମଧ୍ୟ ଖୁବ୍ ବର୍ଷିଛନ୍ତି ଉଜ୍ଜ୍ୱଳା ଦିଦି। ନବୀନ ସରକାର ମହିଳାଙ୍କ ପାଇଁ କେତେ କଣ ଯୋଜନା କରିଛନ୍ତି । ସେମାନଙ୍କ ପାଇଁ କିଛି ଯୋଜନା କରିବାକୁ ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି ଉଜ୍ଜ୍ୱଳା ଦିଦି।
