ଭଦ୍ରକରେ ପୁଣି ଲଜ୍ୟା: ଏକ ଉତ୍ସବରେ ଯୋଗ ଦେବାକୁ ଯାଇଥିବା ବେଳେ ଦୁଷ୍କର୍ମ ଅଭିଯୋଗ ଆଣିଲେ ନାବାଳିକା

ପୁଣି ଲଜ୍ଜା । ଭଦ୍ରକ ରମ୍ଭିଳା କେଶପୁର ଗାଁରେ ଆଦିବାସୀ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଗତ ୧୦ ତାରିଖରେ ନାବାଳିକାଙ୍କ ସହିତ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ତେବେ ଭୟରେ ସେ ପରିବାର ଆଗରେ କିଛି ବି କହି ନଥିଲେ । ପରେ ଦେହ ଖରାପ ହେବାରୁ ଘଟଣା ସାମ୍ନାକୁ ଆସିଛି ।

ପୀଡ଼ିତାଙ୍କୁ ଭଦ୍ରକ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ରପେୟା ପଞ୍ଚାୟତ ଧଉଳି ଗାଁ ଜଣେ ଯୁବକଙ୍କ ନାଁରେ ଦୁଷ୍କର୍ମ ଅଭିଯୋଗ କରିଛନ୍ତି ନାବାଳିକା । ଏକ ଉତ୍ସବରେ ଯୋଗ ଦେଇଥିବା ବେଳେ ନାବାଳିକାଙ୍କ ସହିତ ଦୁଷ୍କମ ହୋଇଥିଲା । ତେବେ ଅଭିଯ଼ୁକ୍ତ ଯ଼ୁବକ ଫେରାର ହୋଇଯାଇଛି । ପରିବାର ଲୋକ ଗ୍ରାମାଞ୍ଚଳ ଥାନାରେ ଅଭିଯୋଗ କରିବା ପରେ ତଦନ୍ତ ଆରମ୍ଭ କରିଛି ପୋଲିସ ।

୧୨ ଡିସେମ୍ବରରେ ମଧ୍ୟ ଭଦ୍ରକରେ ଦୁଷ୍କର୍ମ ଅଭିଯୋଗରେ ଜଣଙ୍କୁ ଗିରଫ କରିଥିଲା ପୋଲିସ ।