ଜାଗା ଯୋଜନା ଢାଞ୍ଚାରେ ସର୍ବଭାରତୀୟ ସ୍ତରରେ ଯୋଜନା ପ୍ରଣୟନ ପାଇଁ ଦାବି

ନୂଆଦିଲ୍ଲୀ: ଓଡ଼ିଶାରେ ଆରମ୍ଭ ହୋଇଥିବା ‘ଜାଗା ଯୋଜନା’ ଢ଼ାଞ୍ଚାରେ ସର୍ବଭାରତୀୟସ୍ତରରେ ଏକ ସ୍ୱତନ୍ତ୍ର ଯୋଜନା ଆରମ୍ଭ କରିବାକୁ ଦାବି । ରାଜ୍ୟସଭା ସାଂସଦ ଡ. ସସ୍ମିତ ପାତ୍ର ଗୁରୁବାର ଗୃହରେ ଏହି ଦାବି ଉଠାଇଛନ୍ତି । ଓଡ଼ିଶା ସରକାର ରାଜ୍ୟର ସହରାଞ୍ଚଳରେ ବାସ କରୁଥିବା ବସ୍ତିବାସିନ୍ଦାଙ୍କ ପାଇଁ ‘ଜାଗା ଯୋଜନା’ ନାଁରେ ଏକ ଯୋଜନା ଆରମ୍ଭ କରିଛନ୍ତି । ସର୍ବଭାରତୀୟସ୍ତରରେ ଏଭଳି ଯୋଜନା ସହରାଞ୍ଚଳ ବସ୍ତିବାସିନ୍ଦାଙ୍କ ପାଇଁ ଲାଗୁ କରାଗଲେ ଲୋକେ ବେଶ୍‌ ଉପକୃତ ହୋଇପାରିବେ ବୋଲି ସେ କହିଛନ୍ତି ।