ନାଗରିକ ସଂଶୋଧନ ବିଲ୍କୁ ନେଇ ଦ୍ୱିମତ: ଜାଣନ୍ତୁ କ’ଣ ହୋଇପାରେ ଭବିଷ୍ୟତ
1 min read
ମହାରାଷ୍ଟ୍ର: ଡିସେମ୍ୱର ମାସରେ ନାଗରିକ ସଂଶୋଧନ ବିଧେୟକକୁ ଲୋକସଭାରେ ଆଗତ କରିବେ ମୋଦି ସରକାର । ଶିବସେନା ଦ୍ୱାରା ବିଧେୟକ୍କୁ ସମର୍ଥନ କରାଯିବା ନେଇ ସଂକେତ ମିଳିବା ପରେ ମହାରାଷ୍ଟ୍ରର ମହାବିକାଶ ଅଘାଡ଼ି (କଂଗ୍ରେସ-ଏନ୍ସିପି-ଶିବସେନା ମେଣ୍ଟ)ରେ ମତଭେଦ ଦେଖାଯାଇଛି । କଂଗ୍ରେସ କହିଛି, ରାଷ୍ଟ୍ରୀୟ ପ୍ରସଂଗଗୁଡ଼ିକରେ ୩ ଦଳର ସହମତି ଭିତ୍ତିରେ ହିଁ ପଦେକ୍ଷପ ଗ୍ରହଣ କରାଯିବାକୁ ମିନିମମ୍ କମନ୍ ପୋଗ୍ରାମ୍ରେ ନିଷ୍ପତ୍ତି ହୋଇଛି । ଏଥିସହ ଏହି ପ୍ରସଂଗରେ କଂଗ୍ରେସ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେଙ୍କ ସହ କଥା ହେବ ବୋଲି ସୂଚନା ମିଳିଛି ।
ନାଗରିକ ସଂଶୋଧନ ବିଧେୟକରେ କ’ଣ ରହିଛି
ନାଗରିକ ସଂଶୋଧନ ବିଧେୟକରେ ନାଗରିକତା ଆଇନ ୧୯୫୫ରେ ସଂଶୋଧନ ନେଇ ପ୍ରସ୍ତାବ ରହିଛି । ଏଥିରେ ଆଫଗାନୀସ୍ତାନ, ବାଲାଂଦେଶ ଏବଂ ପାକିସ୍ତାନରୁ ଆସିଥିବା ୬ ହିନ୍ଦୁ, ଶିଖ୍, ବୌଦ୍ଧ, ଜୈନ ଓ ପାରସି ଧର୍ମର ଶରଣାର୍ଥୀଙ୍କ ନାଗରିକତ୍ୱ ହାସଲ ନେଇ ନିୟମକୁ କୋହଳ କରିବ ।
ବର୍ତ୍ତମାନ କୌଣସି ବ୍ୟକ୍ତିଙ୍କୁ ଭାରତୀୟ ନାଗରିକତ୍ୱ ହାସଲ କରିବା ପାଇଁ ଅନ୍ତତଃ ୧୧ ବର୍ଷ ଭାରତରେ ରହିଥିବା ଆବଶ୍ୟକ । ଏହି ଆଇନ୍ରେ ହେବାକୁ ଥିବା ସଂଶୋଧନ ଅନୁଯାୟୀ ନାଗରିକତ୍ୱ ହାସଲ ନେଇ ୧ ବର୍ଷରୁ ୬ ବର୍ଷ ମଧ୍ୟରେ ସୀମିତ ରଖିବାକୁ ଚାହୁଛନ୍ତି ସରକାର ।
ଯଦି ଏହି ବିଧେୟକ ଆଇନ୍ରେ ପରିଣତ ହୁଏ, ତା’ହେଲେ ଆଫଗାନୀସ୍ତାନ, ପାକିସ୍ତାନ ଏବଂ ବାଂଲାଦେଶର ସମସ୍ତ ବେଆଇନ ପ୍ରବାସୀ ହିନ୍ଦୁ, ଶିଖ୍, ବୌଦ୍ଧ, ଜୈନ, ପାରସି ଏବଂ ଇସାଇ ଭାରତୀୟ ନାଗରିକ ହେବାକୁ ଯୋଗ୍ୟ ହୋଇପାରିବେ ।
