ପାଗ ଖରାପ ପାଇଁ ଢାକାରେ ଅବତରଣ କଲା ମୁମ୍ବାଇରୁ ଗୁଆହାଟୀ ଯାଉଥିବା ବିମାନ

ନନ୍ଦିଘୋଷ ବ୍ୟୁରୋ: ମୁମ୍ବାଇରୁ ବିମାନ ଯାଉଥିଲା ଗୁଆହାଟି। ପରିସ୍ଥିତି ଏମିତି ହେଲା ଯେ ଯାଇ ବାଲାଂଦେଶରେ ଓହ୍ଲାଇବାକୁ ପଡିଲା । ପାଗ ଖରାପ ଥିବାରୁ ମୁ୍ମ୍ବାଇରୁ ଗୁଆହାଟି ଯାଉଥିବା ବିମାନ ବାଲାଂଦେଶ ରାଜଧାନୀ ଢାକାରେ ଅବତରଣ କରିଥିଲା । ଗୁଆହାଟିରେ ଭୋର ୪ଟାରେ ବିମାନ ଲ୍ୟାଣ୍ଡିଂ କରିବାର ଥିଲା । ତେବେ ଘନ କୁହିଡି କାରଣରୁ ବିମାନର ଅବତରଣ ସମ୍ଭବପର ହୋଇପାରିନଥିଲା । ଶେଷରେ ଢାକାରେ ଥିବା ଇଣ୍ଟରନ୍ୟାସନାଲ ଏୟାରପୋର୍ଟରେ ବିମାନ ଅବତରଣ କରିଥିଲା। ବିମାନରେ ଥିବା ସମସ୍ତ ଯାତ୍ରୀ ବିନା ପାସପୋର୍ଟରେ ବାଂଲାଦେଶରେ ଅବତରଣ କରିଥିଲେ। ବିମାନ ଚଳାଚଳ କର୍ତ୍ତୃପକ୍ଷଙ୍କ ପକ୍ଷରୁ ବିମାନର ଉଡାଣ ଲାଗି ଅନ୍ୟ କ୍ରୁ ମେମ୍ବର ଆୟୋଜନ ପରେ ପୁଣି ବିମାନ ଢାକାରୁ ଆସି ଗୁଆହାଟିରେ ଓହ୍ଲାଇଥିଲା। ଏହି ସମୟରେ ବିମାନରେ ଥିବା ଯାତ୍ରୀଙ୍କ ରିଫ୍ରେଶମେଣ୍ଟ ପାଇଁ ବିମାନ କର୍ତ୍ତୃପକ୍ଷଙ୍କ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଥିଲା । ପାଖାପାଖି ଯାତ୍ରୀମାନେ ଦୀର୍ଘ ୯ ଘଣ୍ଟା ଧରି ବସି ରହିବା ପରେ ଗୁଆହାଟିରେ ଯାଇ ପହଞ୍ଚିଥିଲେ।