ଜାଲ ସାର୍ଟିଫିକେଟରେ ଚାକିରି କରିଥିବା ୪ ନକଲି ଶିକ୍ଷକ ଗିରଫ

ରାୟଗଡ଼ା: ଧରାପଡିଲେ ଜାଲ୍ ସାର୍ଟିଫିକେଟ ଦେଇ ଚାକିରି କରିଥିବା ୪ ନକଲି ଶିକ୍ଷକ । ସମସ୍ତ ଶିକ୍ଷକ ରାୟଗଡ଼ା ଜିଲ୍ଲା କାଶୀପୁର ବ୍ଲକ ଅଞ୍ଚଳର । ଏନେଇ ଥାନାରେ ଦିଆଯାଇଛି ଏତଲା ।

ସୂଚନାଯୋଗ୍ୟ, ଜାଲ ସାର୍ଟିଫିକେଟ ଦେଇ ଚାକିରି କରିଥିବା ୪ ନକଲି ଶିକ୍ଷକ ଚିହ୍ନଟ ହୋଇଛନ୍ତି । ଚିହ୍ନଟ ୪ ନକଲି ଶିକ୍ଷକ ହେଲେ କାଶୀପୁର ବ୍ଲକ ବାହାରପଦା ସ୍କୁଲର ଲୋକନାଥ ମହାପାତ୍ର, ପାଇକସୁପେଲ ସ୍କୁଲର ରଘୁନାଥ ବିଡ଼ିକା, ଡୁମୁରିଯୋଡ଼ି ସ୍କୁଲର ଶମ୍ଭୁ କହଁର ଏବଂ ଗୁମୁଡ଼ିମାଣ୍ଡି ସ୍କୁଲର ପାଞ୍ଜିବ ମାଝି । କାଶୀପୁର ଥାନାରେ ଲୋକନାଥ ମହାପାତ୍ର ଏବଂ ରଘୁନାଥ ବିଡ଼ିକାଙ୍କ ନାମରେ ଏତଲା ଦିଆଯାଇଥିବା ବେଳେ ଶମ୍ଭୁ ଓ ପାଞ୍ଜିବଙ୍କ ନାମରେ ଟିକିରି ଥାନାରେ ଏତଲା ଦିଆଯାଇଥିବା ଗୋଷ୍ଠୀ ଶିକ୍ଷାଧିକାରୀ ଦୀପ୍ତିମୟୀ ସିଂ ସୂଚନା ଦେଇଛନ୍ତି । ଜିଲ୍ଲା ଶିକ୍ଷା ବିଭାଗ ଅଧିକାରୀଙ୍କ ନିର୍ଦ୍ଦେଶରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।