ନୂଆଦିଲ୍ଲୀ: ଆଉ ଏକ ସଫଳତା ପଥରେ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ। ହାଲୋ ପଏଣ୍ଟରେ ଆଜି ପ୍ରବେଶ କରିବ ଆଦିତ୍ୟ ଏଲ-ଓ୍ବାନ୍। ପୃଥିବୀ ଠାରୁ ପ୍ରାୟ ୧୫ କିଲୋମିଟର ଦୂରରୁ ସୂର୍ଯ୍ୟଙ୍କୁ ବିନା ବାଧାରେ ଦେଖିହେବ। ଧାବନ ମହାକାଶ କେନ୍ଦ୍ରରୁ ଗତବର୍ଷ ଆଦିତ୍ୟ ଏଲ୍-୧କୁ ମହାକାଶକୁ ଉତ୍କ୍ଷେପଣ କରାଯାଇଥିଲା।
ସୂର୍ଯ୍ୟ ଉପରେ ଅଧିକ ଅଧ୍ୟୟନ କରିବା ସହ ବୈଜ୍ଞାନିକ ତଥ୍ୟ ପ୍ରେରଣ ଏହାର ମୂଳ ଲକ୍ଷ୍ୟ ରହିଛି। ଆଦିତ୍ୟ ଏଲ୍୧ ଯାତ୍ରାକୁ ଦୁଇଟି ପର୍ଯ୍ୟାୟରେ ବିଭକ୍ତ କରାଯାଇଛି। ପ୍ରଥମଟି ହେଲା ଲାଗ୍ରାଞ୍ଜ ପଏଣ୍ଟରେ ପହଞ୍ଚିବା ଏବଂ ପରେ ସେହି ସ୍ଥାନର କକ୍ଷପଥକୁ ବଜାୟ ରଖିବା। ଏଲ୍୧ ହେଉଛି ମହାକାଶର ଏଭଳି ଏକ ସ୍ଥାନ ଯେଉଁଠି ପୃଥିବୀ ଏବଂ ସୂର୍ଯ୍ୟର ଆକର୍ଷଣ ଶକ୍ତି ମଧ୍ୟରେ ସମତୁଲତା ରହିଥାଏ। ଏଠାରୁ ସୂର୍ଯ୍ୟଙ୍କୁ ନିରୀକ୍ଷଣ କରାଯାଇଥାଏ। ତେବେ ଉକ୍ତ ସ୍ଥାନରେ ଗବେଷଣା ପାଇଁ ଉଦ୍ଦିଷ୍ଟ ମହାକାଶ ଯାନ ପହଞ୍ଚାଇବା ଏକ ଜଟିଳ ବ୍ୟାପାର।
