ଗଛ କାଟି ବନ୍ଧାହେଲେ ବିଜେପି ସାଂସଦଙ୍କ ଭାଇ

କର୍ଣ୍ଣାଟକ: ପୁଣି ଚର୍ଚ୍ଚାରେ ବିଜେପି ବିଧାୟକ ମହୀଶୂର-କୋଦାଗୁ ବିଜେପି ସାଂସଦ ପ୍ରତାପ ସିହ୍ମା । ପାର୍ଲାମେଣ୍ଟ ଭିତରକୁ ପଶିଥିବା ଯୁବକଙ୍କୁ ପାସ ଦେଇ ବିବାଦରେ ଥିବା ବେଳେ, ଏବେ ନିଜ ଭାଇଙ୍କୁ ନେଇ ଚର୍ଚ୍ଚା । ମନଇଚ୍ଛା ଗଛ କାଟିବା ଅଭିଯୋଗରେ ପ୍ରତାପଙ୍କ ଭାଇ ବିକ୍ରମ ସିହ୍ନାଙ୍କୁ ଗିରଫ କରିଛି କର୍ଣ୍ଣାଟକ ଜଙ୍ଗଲ ବିଭାଗର ସଂଗଠିତ ଅପରାଧ ନିରୋଧୀ ସ୍କ୍ବାଡ ।

କର୍ଣ୍ଣାଟକର ହାସନ ଜିଲ୍ଲା ଅନ୍ତର୍ଗତ ବେଲୁର ତାଲକ ଅଞ୍ଚଳର ନାନ୍ଦାଗୋନ୍ଦାନାହିଲିରେ ଥିବା ଏକ ସରକାରୀ ଜମିରୁ ୧୨୬ଟି ଗଛ କାଟିଥିଲେ ବିକ୍ରମ । ଏନେଇ ଅଭିଯୋଗ ହେବା ପରେ ତାଙ୍କୁ ଗିରଫ କରି ଜେରା କରାଯାଉଛି । ତାଙ୍କ ବିରୋଧରେ ଅଭିଯୋଗ ହେବା ପରେ ଇଲେକ୍ଟ୍ରୋନିକ ସର୍ଭେଲାନସ ଜରିଆରେ ବିକ୍ରମଙ୍କୁ ଠାବ କରାଯାଇଥିଲା ।