ଗୁଗଲ ଟ୍ରେଣ୍ଡ୍ ହିସାବରେ ୨୦୨୩ରେ ଚର୍ଚ୍ଚାରେ ଥିଲେ ଏହି ୧୦ ଖବର

ନନ୍ଦିଘୋଷ ବ୍ୟୁରୋ: ସରି ଆସୁଛି ୨୦୨୩ । ତେବେ ଏହି ବର୍ଷର ଟ୍ରେଣ୍ଡ୍ ରେ ରହିଥିବା ଘଟଣାଗୁଡିକ ଗୁଗୁଲ୍ ତାର ବ୍ଲଗ୍ ରେ ସେୟାର କରିଛି  । ୨୦୨୩ରେ ଚର୍ଚ୍ଚିତ ଥିବା ଖବର ଗୁଡିକ ଗୁଗୁଲ୍  ପ୍ରକାଶ କରିଛି  ।  ଚନ୍ଦ୍ରାୟାନ -୩ ଠାରୁ ଆରମ୍ଭ କରି ସତୀଶ କୌଶିକ୍ ଙ୍କ ପର୍ଯ୍ୟନ୍ତ ୨୦୨୩ରେ ଯାହା ଚର୍ଚ୍ଚାରେ ରହିଥିଲା ତେବେ ଆସନ୍ତୁ ଜାଣିବା ସେହି ବିଷୟରେ  ।

ଚଳିତବର୍ଷ ଭାରତର ତୃତୀୟ ମୁନ୍ ମିଶନ୍ ସମଗ୍ର ବିଶ୍ବରେ ଦୃଷ୍ଟି ଆକର୍ଷଣ କରିଥିଲା  । ଏହି ମିଶନ୍ କେବଳ ମହାକାଶ ଅନୁସନ୍ଧାନ ପାଇଁ ନୁହେଁ  ବରଂ ବିଶ୍ବ ମହାକାଶ ଦୌଡରେ ଭାରତ ଆଗକୁ ବଢୁଥିବାର ନଜର ଆସିଛି  । ଗୁଗୁଲ୍ ଇଣ୍ଡିଆରେ ଚନ୍ଦ୍ରାୟାନ୍ -୩ ହେଉଛି ୨୦୨୩ର ସବୁଠୁ ଖୋଜା ଯାଇଥିବା ଖବର  ।

କର୍ଣ୍ଣାଟକ ନିର୍ବାଚନରେ କଂଗ୍ରେସର ଦମଦାର ବିଜୟ ଏକ ରାଜନୈତିକ ପରିବର୍ତନ କୁ ସୂଚାଇଥିଲା । ନିର୍ବାଚନର ଏହି ପରିଣାମ ଭାରତରେ ରାଜନୀତିର ଭବିଷ୍ୟତ ଏବଂ ରାଷ୍ଟ୍ରୀୟ ନୀତି କୁ ଦର୍ଶାଇଥିଲା  ।

ହମାସର ୭ ଅକ୍ଟୋବର ୨୩ ରେ ଆକ୍ରମଣ ଏବଂ ଗାଜାରେ ଇସ୍ରାଏଲ୍ର  ସାମରିକ କାର୍ଯ୍ୟ,  ଇସ୍ରାଏଲ୍ ରେ ଚାଲୁଥିବା ଘଟଣାଗୁଡିକ ଭାରତୀୟ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଥିଲା  । ଏହି ଘଟଣା ସୋସିଆଲ୍ ମିଡିଆ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲା  ।

ଭେଟରାନ୍ ବଲିଉଡ୍ ଅଭିନେତା ସତୀଶ କୌଶିକ୍ ଙ୍କ ଅକାଳ ମୃତ୍ୟୁର ଖବର ମଧ୍ୟ ଗୁଗୁଲ୍ ଅନୁଯାୟୀ ଚଳିତବର୍ଷର ଭାରତରେ ଖୋଜାଯାଇଥିବା ଖବର ମଧ୍ୟରୁ ଅନ୍ୟତମ  । ଏଥିରୁ ଜଣାପଡିଥିଲା ଯେ ସତୀଶ କୌଶିକ୍ କେବଳ ମନୋରଞ୍ଜନ ଜଗତରେ ନୁହେଁ ବରଂ ଲୋକଙ୍କ ମନରେ ବି ତାଙ୍କର ଛାପ ଛାଡିଯାଇଛନ୍ତି  । ତେବେ ବଲିଉଡ୍ ଜଗତରେ  ତାଙ୍କର ଅବଦାନ ଫ୍ୟାନ୍ସ ମାନେ ନିଶ୍ଚୟ ମନେ ରଖିବେ  ।

୨୦୨୩ର ବାର୍ଷିକ ବଜେଟ୍  ବିଭିନ୍ନ କ୍ଷେତ୍ର ଉପରେ ଧ୍ୟାନ ଦେଇ ପ୍ରଯୁକ୍ତି ବିଦ୍ୟା , ନିଯୁକ୍ତି ଏବଂ ଅର୍ଥନୈତିକ ଅଭିବୃଦ୍ଧିକୁ ଗୁରୁତ୍ବ ଦିଆଯାଇଥିଲା  ।  ଦୈନନ୍ଦିନ ଜୀବନ ଏବଂ ବ୍ୟବସାୟ ଉପରେ ବଜେଟ୍ ର ପ୍ରଭାବ ସାମାଜିକ ଏବଂ ଅର୍ଥନୈତିକ କ୍ଷେତ୍ରରେ ବିତର୍କ ସୃଷ୍ଟି କରିଥିଲା  ।

ତୁର୍କୀ ଏବଂ ଉତ୍ତର ସିରିଆରେ ହୋଇଥିବା ଭୟଙ୍କର ଭୂକମ୍ପ ଚଳିତବର୍ଷର ହେଡଲାଇନ୍ ପାଲଟିଥିଲା  । ଏହି ଭୂକମ୍ପର ପ୍ରସ୍ତୁତି ଏବଂ ମୁକାବିଲା ପାଇଁ ଅର୍ନ୍ତଜାତୀୟ ସହଯୋଗର ଆବଶ୍ୟକତା ଉପରେ ଆଲୋଚନା କରାଯାଉଥିଲା  ।

ସମାଜବାଦୀ ପାର୍ଟିର ପୂର୍ବତନ ସାସଂଦ ତଥା ଗ୍ୟାଙ୍ଗଷ୍ଟର୍ ଅତିକ୍ ଅହମଦ୍ ହାଇପ୍ରୋଫାଇଲ୍ ହତ୍ୟା ଏବଂ ଅପରାଧିକ ମାମଲାରେ ଜଡିତ ଥିବାରୁ ଚଳିତବର୍ଷର ମୁଖ୍ୟଖବରରେ ପାଲଟିଥିଲେ  । ଏହି ମାମଲା ରାଜନୈତିକ କ୍ଷେତ୍ରରେ  ଥାଇ  ଅପରାଧ ମୂଳକ କାର୍ଯ୍ୟ କରିବା ବିଷୟରେ ଲୋକଙ୍କ ଚିନ୍ତା ବଢାଇଦେଇଥିଲା  ।

ଚଳିତବର୍ଷ ଚର୍ଚ୍ଚିତ ଚଳଚ୍ଚିତ୍ର ଫ୍ରେଣ୍ଡସ୍ ର ଅଭିନେତା ମାଥ୍ୟୁ ପେରିଙ୍କର ଅକସ୍ମାତ ମୃତ୍ୟୁ ତାଙ୍କର ପ୍ରଶଂସକଙ୍କର ହୃଦୟ ଭାଙ୍ଗିଦେଇଥିଲା  । ଏହା କିଛି ଆଶ୍ଚର୍ଯ୍ୟଜନକ କଥା ନୁହେଁ ଯେ ତାଙ୍କ ମୃତ୍ୟୁ ଖବର ଏହି ବର୍ଷ ଗୁଗୁଲ୍ ରେ ଖୋଜାଯାଇଥିବା ମୁଖ୍ୟ ୧୦ ଖବର ମଧ୍ୟରେ ରହିଥିଲା  । ଡିପ୍ରେସନ୍ କାରଣରୁ ସେ ଖାଉଥିବା ଔଷଧ କେଟାମାଇନ୍ ର ପ୍ରଭାବ  ପାଇଁ ମାଥ୍ୟୁ ପେରିଙ୍କର ମୃତ୍ୟୁ ହୋଇଥିବା ଶୁଣିବାକୁ ମିଳିଥିଲା  ।

ମଣିପୁରରେ ଜାତିଗତ  ହିଂସା ଏବଂ ଅଶାନ୍ତି ଉତ୍ତରପୂର୍ବ ଭାରତୀୟ ରାଜ୍ୟ କୁ ହେଡଲାଇନ୍ ରେ ରଖିଥିଲା  । ମଣିପୁରର ମୈତେଇ ଏବଂ କୁକି ସମ୍ପ୍ରଦାୟ ମଧ୍ୟରେ ଏକ ବଡ ଧରଣର ସଂଘର୍ଷ ହୋଇଥିଲା । ଯେଉଁଥିରେ କି ସମଗ୍ର ମଣିପୁର ନିଆଁ ଲାଗିବା , ଅପହରଣ , ହତ୍ୟା ଭଳି ଅପରାଧ ସହ ସଂଘର୍ଷ କରୁଥିଲା ।

ବାଲେଶ୍ବରର ବାହାନଗାରେ ହୋଇଥିବା ଏକ ହୃଦୟବିଦାରକ ଟ୍ରେନ୍ ଦୁର୍ଘଟଣା ପୁରା ଦେଶକୁ ସ୍ତବ୍ଧ କରିଦେଇଥିଲା  । ଜୁନ୍ ୨ରେ ଓଡିଶାରେ ଚେନ୍ନାଇ ଯାଉଥିବା କରମଣ୍ଡଳ ଏକ୍ସପ୍ରେସ୍ ,ଏସଏମ୍ବିଟି ବାଙ୍ଗଲୋର୍ – ହାଓଡା ଏକ୍ସପ୍ରେସ୍ ଏବଂ ଏକ ମାଲଗାଡି ୩ଟି ଯାକ ଟ୍ରେନ୍ ପରସ୍ପର ମଧ୍ୟରେ ଧକ୍କା ହୋଇଥିଲା  । ଯେଉଁଥିରେ କି ଶହ ଶହ ଲୋକ ପ୍ରାଣ ହରାଇଥିଲେ  । ଘଟଣାଟି ଲୋକଙ୍କ ମନରେ ଏକ ଗଭୀର ଛାପ ଛାଡିଦେଇଯାଇଥିଲା  । ତେବେ କୌଣସି ନା କୌଣସି କାରଣରୁ ୨୦୨୩ ବର୍ଷଟି ବେଶ୍ ଚର୍ଚ୍ଚାରେ ରହିଥିଲା  ।