ଧର୍ମେନ୍ଦ୍ରଙ୍କୁ ମାନସଙ୍କ ପ୍ରଶ୍ନରେ ସହମତ ଓଡ଼ିଶା : ଦେଖିଲେଣି ୨ ଲକ୍ଷ     

ଭୁବନେଶ୍ୱର: ସାଂସଦ ମାନସ ମଙ୍ଗରାଜଙ୍କ ପ୍ରଶ୍ନରେ ସହମତ ଓଡ଼ିଶା। ମାନସଙ୍କ ସହ ସ୍ବର ମିଶାଇଲେ ରାଜ୍ୟବାସୀ। ୟୁଟ୍ୟୁବର କାମିୟା ଜାନୀ ଓ ଶ୍ରୀମନ୍ଦିରକୁ ନେଇ ରାଜ୍ୟ ବିଜେପି ନେତା ଅପପ୍ରଚାର ଆରମ୍ଭ କରିବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କିଛି ପ୍ରଶ୍ନ କରିଥିଲେ ବିଜେଡ଼ି ସାଂସଦ ମାନସ ମଙ୍ଗରାଜ। ସୋସିଆଲ ମିଡ଼ିଆ ଏକ୍ସରେ ମାନସ ପଚାରିଥିବା ପ୍ରଶ୍ନକୁ ନେଇ ରାଜ୍ୟ ବିଜେପିକୁ କାଠଗଡ଼ାରେ ଠିଆ କରିଛନ୍ତି ସାଧାରଣ ଲୋକେ। କାମିୟା ଜାନୀଙ୍କ ଜଗନ୍ନାଥ ମନ୍ଦିର ପରିକ୍ରମା ପ୍ରକଳ୍ପ ପରିଦର୍ଶନକୁ ନେଇ ରାଜ୍ୟ ବିଜେପି ହୀନ ରାଜନୀତି ଆରମ୍ଭ କରିବା ପରେ ବିଜେଡ଼ି ସାଂସଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହାଙ୍କର କିଛି ଫଟୋକୁ ଦର୍ଶାଇ ଧର୍ମେନ୍ଦ୍ରଙ୍କୁ ପାଲଟା ପ୍ରଶ୍ନ କରିଥିଲେ। ହିନ୍ଦୁ ଧର୍ମକୁ ପ୍ରଚାର ପ୍ରସାର ପାଇଁ ମୋଦୀ ଓ ଶାହା କାମିୟାଙ୍କୁ ନିଯୁକ୍ତି ଦେଇଥିବା ବେଳେ ସେ ଚାରିଧାମ ସହ ଅଯୋଧ୍ୟାରେ ରାମ ମନ୍ଦିର ମଧ୍ୟ ପରିଦର୍ଶନ କରିଥଲେ। କିନ୍ତୁ ଏବେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ପ୍ରଚାର ପ୍ରସାର ହେବାରୁ ରାଜ୍ୟ ବିଜେପି ନେତା କାହିଁକି ଅସହିଷ୍ଣୁ ହୋଇପଡ଼ୁଛନ୍ତି ବୋଲି ମାନସ ପ୍ରଶ୍ନ କରିଥିଲେ। ଏବେ ମାନସଙ୍କ ଏହି ଫଟୋ ସମ୍ବଳିତ ପ୍ରଶ୍ନ ବିଜେପିର ଅସଲ ଚେହେରା ଓଡ଼ିଶାବାସୀଙ୍କ ସାମ୍ନାରେ ଖୋଲିଦେଇଛି।

ଏକ୍ସ ବା ପୂର୍ବରୁ ଟୁଇଟର କୁହାଯାଉଥିବା ସୋସିଆଲ ସାଇଟରେ ଏବେ ଏହି ପୋଷ୍ଟ ଟ୍ରେଣ୍ଡ କରିବାରେ ଲାଗିଛି। ପ୍ରଦୀପ ସାମଲ ନାମକ ବ୍ୟକ୍ତି, ଅସହିଷ୍ଣୁ ବିଜେପି ଓୌଷଧ ବିକଳରେ ତାଟିଆ କାମୁଡ଼ୁଛି, ରାଜ୍ୟର ବିକାଶକୁ ସହି ନପାରି ଲୋକଙ୍କୁ ଜାତି, ଧର୍ମ, ଘୃଣା, ବିଦ୍ବେଷର ମଞ୍ଜି ବୁଣୁଛି ବୋଲି ମତ ରଖିଛନ୍ତି। ସେହିପରି ବିଜୟ ବିହାରୀ ପରିଡ଼ା ଏହାକୁ ବିଜେପିର ହୀନ ରାଜନୀତି ବୋଲି ମତ ରଖିଥିବା ବେଳେ, ନମିତା ଗୋଛାୟତ ନାମ୍ନୀ ମହିଳା ଜଗନ୍ନାଥ ମନ୍ଦିରର ବିକାଶମୂଳକ କାମକୁ ରାଜ୍ୟ ବିଜେପି ସହ୍ୟ କରିପାରୁନଥିବା ଲେଖିଛନ୍ତି। ୨୪ ଘଣ୍ଟା ଭିତରେ ଏହି ପୋଷ୍ଟକୁ ପାଖାପାଖି ୨ ଲକ୍ଷ ଲୋକ ଦେଖିସାରିଲେଣି। ଏପରିକି ୫ ଶହରୁ ଉର୍ଦ୍ଧ୍ବ ୟୁଜର ଏହାକୁ ରିପୋଷ୍ଟ କରିବା ସହ  ୧୮ଶହରୁ ଅଧିକ କମେଣ୍ଟ ମଧ୍ୟ କରିସାରିଲେଣି ।

ଅଧିକାଂଶ ଲୋକ ଏହାକୁ ବିଜେପିର ଦୋମୁଁହା ନୀତି ବୋଲି କହିବା ସହ ରାଜ୍ୟ ଓ କେନ୍ଦ୍ର ବିଜେପି ନେତାଙ୍କ ଭିତରେ ତାଳମେଳ ନଥିବା କମେଣ୍ଟରେ ଲେଖିଥିବା ଦେଖାଯାଇଛି ।