ଯାଜପୁର: ଅନଲାଇନରେ ଧମକ, ଅଫଲାଇନରେ ଗିରଫ। ସୋସିଆଲ ମିଡିଆରେ ବିବାଦୀୟ କମେଣ୍ଟ ଦେବା ସହ ବନ୍ଧୁକ ଦେଖାଇ ବନ୍ଧା ହେଲେ ଯୁବକ। ଯୁବକ ଜଣଙ୍କ ଯାଜପୁର ପାଣି କୋଇଲି ଅଞ୍ଚଳ ସାହାସପୁରର ଉଦୟ ଜେନା ।
ପୋଲିସର ସୂଚନା ଅନୁସାରେ ଅନୀଲ ମଲ୍ଲିକ ବହୁଜନ ଯୁଥ ସୋସିଆଲ ମିଡିଆରେ ସଦସ୍ୟ ହିସାବରେ କିଛି ଲେଖା ପୋଷ୍ଟ କରିଥିଲେ। ସୋସିଆଲ ମିଡିଆରେ ତୋଫାନ ଭାଇଜାନ ନାମକ ଏକ ଆଇଡିରୁ ସେ ବିଦାଦୀୟ କମେଣ୍ଟ ଦେଇଥିଲେ। ଏପରିକି ବନ୍ଧୁକ ଫଟୋଦେଖାଇ ଫୋନ ଯୋଗେ ହତ୍ୟା ଧମକ ମଧ୍ୟ ଦେଉଥିବା ନେଇ ଚନ୍ଦ୍ର ଶେଖରପୁର ଥାନାରେ ଅଭିଯୋଗ ହୋଇଥିଲା ।
କମେଣ୍ଟ ବକ୍ସରେ ‘ରାମ ନାମ ସତ୍ୟ ହେ କରିଦେବି’ ବୋଲି କହି ଧମକ ଦେଇଥିଲା ଅଭିଯୁକ୍ତ । ପୋଲିସ ତଦନ୍ତ ଆରମ୍ଭ କରି ହତ୍ୟା ଧମକ ଓ ଅପମାନ କଲା ଭଳି ମନ୍ତବ୍ୟ ଦେବା ଅଭିଯୋଗରେ ଉକ୍ତ ବ୍ୟକ୍ତିକୁ ପୋଲିସ ଗିରଫ କରିଛି ।
