ବୌଦ୍ଧ: ବୌଦ୍ଧ ସହରର ଭୈରବୀ ଛକ ନିକଟରେ ଯୁବକଙ୍କୁ ଛୁରାମାଡ଼। ଗୁରୁତର ଯୁବକଙ୍କୁ ପ୍ରଥମେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯିବା ପରେ ଭୁବନେଶ୍ୱରସ୍ଥିତ ଏମ୍ସକୁ ସ୍ଥାନାନ୍ତର କରାଯାଇଛି। ଯୁବକ ଜଣକ କାମ ସାରି ଘରକୁ ଫେରୁଥିବା ସମୟରେ ଭୈରବୀ ଛକ ନିକଟରେ ହଠାତ୍ ଏକ ଧଳା ରଙ୍ଗର ଇନୋଭା କାର୍ ଆସି ଅଟକିଥିଲା। ଏହାପରେ ଗାଡ଼ିରୁ ୩ ରୁ ୪ ଜଣ ବ୍ୟକ୍ତି ବାହାରି ଯୁବକଙ୍କୁ ଛୁରାମାଡ଼ କରିଥିବା ଅଭିଯୋଗ ହୋଇଛି। ଆକ୍ରମଣ ପରେ ଅଭିଯୁକ୍ତମାନେ ଘଟଣା ସ୍ଥଳରୁ ଫେରାର୍ ହୋଇଯାଇଥିବା ଜଣାପଡ଼ିଛି। ଗୁରୁତର ଅବସ୍ଥାରେ ଏମ୍ସକୁ ସ୍ଥାନାନ୍ତର ଯୁବକଙ୍କ ଚିତ୍କାର ଶୁଣି ଆଖପାଖରେ ଥିବା ଲୋକମାନେ ଘଟଣାସ୍ଥଳକୁ ଦୌଡ଼ି ଆସିଥିଲେ। ପରେ ତାଙ୍କୁ ଉଦ୍ଧାର କରି ବୌଦ୍ଧ ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ଏମ୍ସକୁ ପଠା ଯାଇଛି। ଆହତ ଯୁବକଙ୍କ ନାମ ସୋରାଜ ଗାଇଗୋରିଆ ଏବଂ ତାଙ୍କ ବୟସ ୨୪ ବର୍ଷ ବୋଲି ସୂଚନା ମିଳିଛି।ଅଭିଯୋଗ ଆଧାରରେ ବୌଦ୍ଧ ପୋଲିସ ଘଟଣାର ତଦନ୍ତ କରୁଛି।
