ମା’ ଶାରଳାଙ୍କ ହୁଣ୍ତିରୁ ୩୦ ଲକ୍ଷ ଲୁଟ, ପାଖ ଛକରୁ ମିଳିଲା ବସ୍ତାଏ ଟଙ୍କା
ଜଗତସିଂହପୁର: ଜଗତସିଂହପୁର ଜିଲ୍ଲାର ବାଣୀକ୍ଷେତ୍ର ଅଧିଷ୍ଠାତ୍ରୀ ଦେବୀ ମା’ ଶାରଳା ଠାକୁରାଣୀଙ୍କ ମୁଖ୍ୟ ହୁଣ୍ଡିରୁ ୩୦ ଲକ୍ଷରୁ ଉର୍ଦ୍ଧ୍ବ ଟଙ୍କା ଲୁଟ ହୋଇଯାଇଥିବା ଅଭିଯୋଗ। ମନ୍ଦିର ବେଢାରେ ସାତଟି ହୁଣ୍ଡି ରହିଥିବା ବେଳେ ମା’ ଶାରଳାଙ୍କ ସମ୍ମୁଖ ଭାଗରେ ରହିଥିବା ମୁଖ୍ୟ ହୁଣ୍ଡି ବାକ୍ସକୁ କେହି ଦୁର୍ବୃତ୍ତ ଏକ କଟର ସାହାଯ୍ୟରେ କାଟି ରେଂଚରେ ଖୋଲି ଲକ୍ଷାଧିକ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।
ଦୁର୍ବୁତ୍ତ ହୁଣ୍ଡିରୁ ଟଙ୍କା ଲୁଟ ପରେ ହୁଣ୍ଡି ନିକଟରେ କଟର,ରେଞ୍ଚ ଛାଡି ଯାଇଥିବା ଦେଖିବାକୁ ମିଳିଛି। କଟର ମେସିନର ତାର ବି ଓହଳି ରହିଛି। ସବୁଠାରୁ ଆଶ୍ଚର୍ଯ୍ୟର କଥା ମନ୍ଦିର ଭିତରେ ପୋଲସ ଫାଣ୍ଡି ରହିଥିବା ବେଳେ ପଦାରେ କନକପୁର ଫାଣ୍ଡି ରହିଛି। ଚୋରି ହେଲା କେମିତି ବୋଲି ପ୍ରଶ୍ନ ଉଠୁଛି।
ସେପଟେ ଦଳିଆ ଛକରୁ ଏକ ବସ୍ତା ଟଙ୍କା ଜବତ ହୋଇଛି । ଏହି ଘଟଣାରେ ତିନି ଅଟକ ରହିଛନ୍ତି । କନକପୁର ଫାଣ୍ଡି ଓ ଶାରଳା ମନ୍ଦିର ଫାଣ୍ଡି ପକ୍ଷରୁ ଚଢାଉ ଜାରି ରହିଛି । ଅଵସରପ୍ରାପ୍ତ ପୋଲିସ ସେନା ସହଯୋଗରେ ଟଙ୍କା ଉଦ୍ଧାର ହୋଇଥିବା ସୂଚନା ମିଳିଛି ।
